В.В. Никифоров - Күлүмнүүр төрөөбүт күнүгэр аналлаах "Үйэлэргэ умнуллубат үтүө аат" тэрээһин үрдүк таһымҥа ыытылынна.

Ыам ыйын 18 күнүгэр В.В. Никифоров - Күлүмнүүр төрөөбүтэ 155 сылын көрсөр үлэ былаанын сүрүннүүр "Санаабытын салайыаҕыҥ, сайдыы суолун тутуоҕуҥ!" диспут биэс түһүмэҕэр толкуйдаах ырытыһыы, кэскиллээх кэпсэтии ыытылынна, инники былаан туруоруллунна. Диспут боппуруоһун ырытыыга туһаайан кыттыыны ыллылар: аймахтарыттан СР, РФ суруналыыстарын союһун чилиэнэ А.И. Сивцева, олохтоох библиотекарь П.И. Сивцева, оскуола директорын үөрэх чааһыгар солбуйааччы Нь.А. Сивцева, "Дүөндү" СК уус - уран салайааччыта В.И. Соловьева уонна кыраайы үөрэтэр музей салайааччыта эдэр кэскиллээх учуутал О.А. Неустроева.

Олохтоох библиотека тэрийиитинэн нэһилиэк тэрилтэлэринэн "Своя игра" интеллектуальнай оонньуу ыытылынна.

Подробнее...

Биир кэлим ааҕыы акцията!

Быйыл , Улуу Кыайыы 73 сылыгар, кииннэммит библиотека тиһигэ үтүө үгэс буолбут биир кэлим ааҕыылар акцияларын улуус үрдүнэн ыытта. Сэрии кэмин оҕото , поэт Василий Саввин 80 сылын бэлиэтиир сылыгар кини «Ветераннар» диэн хоһоонуттан быһа тардыы 26 библиотека тэрийэн ыытта. Барыта 2396 улуус олохтооҕо Акцияҕа кытынна.

"Василий Саввин Сандал сааһа"

Бэйиэт Василий Саввин төрөөбүтэ 80 сылын бэлиэтээн Дүпсүҥҥэ, тэрээһин буолла. Манна Чэриктэйтэн кэлэн кыттыыны ыллылар. «Василий Саввин олоҕо, айар үлэтэ» хоһоон ааҕыытын куонкуруһа буолла, салгыы В.В. Саввин ырыа буолбут хоһооннорун толоруулара, бэйиэккэ анаммыт хоһооннор болҕомтону тартылар. Баһылай Саабын айымньыларынан уруһуй куонкуруһун мустубут ыалдьыттар улаханнык сэҥээрдилэр, үс бөлөххө арааран куонкуруһу тэрийдилэр.

Подробнее...

Улуу Кыайыы күнэ!

Улуу Кыайыы күнэ. Киһи аймах өрөгөйүн үрдэппит, олоҕу туругурдубут Кыайыы күнэ! Бу күн биһиги бука бары эйэлээх халлаан анныгар кыайыыны уһансыбыт, сэриигэ геруойдуу охтубут, сураҕа суох сүппүт аҕаларбытын, эһээлэрбитин, эбээлэрбитин, убаайдарбытын кэриэстээн, кинилэргэ махталбыт, сүгүрүйүүбүт бэлиэтэ — мэтириэттэрин киэн тутта күөрэччи көтөҕөн, холуонналарынан хаамтыбыт.

“Өлбөт үйэлээх полк” хаамыыта олус улахан суолталаах тэрээһин. Акцияҕа күөрэччи көтөҕүллэр хас биирдии буойун хаартыската – хас биирдии дьиэ кэргэн, халыҥ аймах, бүтүн дойду дириҥ историята буолар.

Подробнее...