ОЛОҤХО декадатын чэрчитинэн сэтинньи 25 күнүгэр С.С.Васильев-Борогонскай аатынан киин библиотекаҕа Үөһээ-Дьааҥы улууһуттан олоҥхону толорооччу, чинчийээччи, Үөһээ Дьааҥы улууһун кииннэммит библиотека тиһигин кыраайы үөрэтэр салаатын үлэһитэ САРГЫЛАНА СЕМЕНОВНА СЛЕПЦОВА ураты талаанын кытта билистибит,
кэрэ кэпсээнин сэргээтибит, ирэ - хоро сэлэстибит. Кини үөрэппит оҕото Игнатий Слепцовтуун дьааҥылыы олоҥхолоон иһитиннэрдилэр. Бэйэлэрин олоҥхону уратытык толорор ньымаларынан мустубут дьон интириэһин тартылар. Бу тэрээһиҥҥэ Уус Алдан улууһун айар куттаахтара, олоҥхону чинчийээччилэр, үөрэтээччилэр, биһирээччилэр, библиотека үлэһиттэрэ кыттыыны ыллылар.