Саха ыалыгар уол оҕо төрөөтөҕүнэ былыр - былыргыттан үөрүүлээх түгэнинэн ааҕыллар. "Удьуору салҕааччы, аат ааттатааччы" кэллэ диэн буолар.
Саха Өрөспүүбүлүкэтигэр Уол оҕо күнүн көрсө улуустааҕы оҕо библиотекатыттан Надежда Васильевна Гоголева уонна библиотека электроннай - информационнай киинин специалиһа Майя Николаевна Оллонова Мындаабатааҕы спорт оскуолатын үөрэнээччилэригэр, сбордана сылдьар оҕолорго анаан тэрээһин чаас ыыттылар. "Спорт - олохпут аргыһа" интеллектуальнай оонньуу,

электроннай кинигэнэн хайдах туһанарга, ааҕарга сүбэ - ама биэрдилэр. Сынньалаҥ кэмигэр көрдөөх оонньуу ыытылынна. Спордунан үлүһүйэн дьарыктанар, спорду доҕор оҥостубут уолаттар илин - кэлин түсүһэн өйдөрүн тургуттулар,билиилэрин хаҥаттылар. Маны таһынан, интернакка олорор оҕолорго анаан ааҕалларыгар кинигэ уларсан, саҥа тахсыбыт кинигэлэри билиһиннэрдибит, ааҕыыга сүбэ биэрдибит.
Кинигэни ааҕар оҕо айар - толкуйдуур дьоҕура сайдар, тыла - өһө баай буолар, билиэн - көрүөн баҕарара улаатар, үөрэххэ интэриэһэ үрдүүр, иллэҥ кэмин туһалаахтык атаарар.
Кинигэни ааҕыҥ,
Ааҕар киһи - билиилээх,
билиилээх киһи - сайдыылаах,
сайдыылаах киһи - ситиһиилээх !