Бүгүн ыам ыйын 4 күнүгэр улуустааҕы киин библиотекаҕа "Я помню! Я горжусь!" диэн библиотечнай эр санааланыы уруога ыытылынна. Уруокка Мүрү 1 нүөмэрдээх орто оскуолатын 9 а,в; 10 а,б кылаастара кыттыыны ыллылар.

Муус устар 27 күнэ - Саха Өрөспүүбүлүкэтин күнүн көрсө сылын аайы ыытыллар "Символы Якутии. Я - патриот" диэн олимпиада быйыл VII төгүлүн ыытылынна. Бу сылга өрөспүүбүлүкэтээҕи олимпиада " Мин патриотпун" диэн тиэмэҕэ буолла. Сорудахха Саха сирин историятын, култууратын, географиятын хабар 9 тургутук ыйытыы уонна "Биһиги кэммит геройа, Кини кимий? " диэн айар үлэ (эссе) бэриллибит.

photo_5928234434459447447_y.jpg

Бүгүн муус устар 26 күнүгэр улуустааҕы кииннэммит библиотека ааҕар саалатыгар "Мин – Россия гражданинабын" диэн бырайыак чэрчитинэн үөрүүлээх быһыыга-майгыга пааспары туттарыы тэрээһинэ буолан ааста.

Бу бырайыак "Биир Ньыгыл Россия" партия улустааҕы исполкома, кииннэммит библиотека тиһигэ, "Билии" общество улуустааҕы салаата уонна федеральнай миграционнай сулууспа, "Мин докумуоннарым" элбэх өҥөнү оҥорор киин көҕүлээһиннэринэн үтүө үгэскэ кубулуйбут тэрээһиннэртэн биирдэстэрэ буолар. Бүгүҥҥү тэрээһин Республика күнүгэр ананна.