Мүрү нэһилиэгин бочуоттаах олохтооҕо, Саха өрөспүүбүлүкэтин тыа хаһаайыстыбатын туйгуна Надежда Петровна Федотова Дьиэ кэргэн уонна Аҕа сылынан С.С. Васильев-Борогонскай аатынан Киин библиотекаҕа «Ыллам, ытык ыал» 30 экз. уонна «Бороҕон боотурдара» 20 экз. кинигэлэри бэлэх уунна.

«Ыллам, ытык ыал» кинигэҕэ 48 сыл бииргэ олорбут Бороҕон дьоһун мааны-ыала Мария Гаврильевна уонна Петр Никатонович Гоголевтар туһунан суруллар. Кинилэр биир күн – 1924 сыл бэс ыйын 5 күнүгэр күн сирин көрбүттэрэ, быйыл төрөөбүттэрэ 100 сыллара бэлиэтэнэр. Кинилэр түөрт оҕоҕо күн сирин көрдөрбүттэрэ, элбэх сиэннээхтэр, хос сиэннээхтэр. Аҕа дойду сэриитин кыттыылааҕа, Аҕа дойду сэриитин 2-с степеннээх уордьаннаах, Советскай Союз Геройа Н.А. Кондаков аатынан суруналыыстар бириэмийэлэрин лауреата, «ССРС норуодунай хонтуруолун туйгуна», «ССРС ыччатын бастыҥ наставнига» бэлиэлээх, Уус Алдан, Эбээн-Бытантай улуустарын бочуоттаах олохтооҕо, хайыһарга Саха АССР спордун маастара, хайыһарынан 148 көстөөх Чокурдаах-Дружина маршрутунан айан кыттыылааҕа Петр Никатонович Гоголев суруйбут «Бороҕон боотурдара» кинигэҕэ оройуон киинигэр олорбут, үлэлээбит ытык сэрии бэтэрээннэрин туһунан кэпсэнэр. Дьоһун үйэлээх кинигэ бэлэҕин иһин Надежда Петровнаҕа библиотека коллективын уонна ааҕааччыларын аатыттан махтанабыт.