Улууска бастакы народнай библиотека тэриллибитэ 100 сылынан «100 сыл кэрэни, сырдыгы саҕан» диэн девиһинэн салайтаран үбүлүөйдээх тэрээһиннэр салҕаналлар, ол курдук муус устар 16 күнүгэр библиотека үлэһиттэрин бөлөҕө Өспөххө сырытта.

Өспөх нэһилиэгэр "Сайдам" култуура, спорт киинигэр тэрээһин саҕаланыан иннинэ делегация нэһилиэк дьоно сылы быһа маскировочнай сетка баайыытыгар үлэлэһэригэр көмөлөһөн, сетка баайарга кыттыстылар. Салҕыы оҕолор, улахан дьон бэрт сэргэх интеллектуальнай оонньууга күрэхтэһэн, кыайыылаахтар анал дипломнарынан,

кинигэлэринэн наҕараадаланнылар. "Алгыс" кыраайы үөрэтэр киин салайааччыта О.Н. Павлова чуораанчыктарын коллекцията дьон сэҥээриитин ылла.  Өспөх нэһилиэгин баһылыга Лена Михайловна Свешникова сонун тэрээһин иһин махтанан туран, библиотека иһинэн саҥа ресурснай киин үлэтигэр ситиһиилэри баҕарда.

 Улуустааҕы киин библиотека тиһигин үлэһиттэрэ "Ааҕар балаҕантан саҕыллан куйаар ситимигэр" выставканы, библиотека төрүттэммит историятын "Уран тыл алыба" түмсүү кыттааччылара ааҕар сурунаал форматынан билиһиннэрдилэр. Ыллаан- туойан сэргэх киэһэни нэһилиэктэр олохтоохторугар бэлэхтээтилэр. Хас нэһилиэк аайы бииргэ үлэлэһэр социальнай партнердарга, бастыҥ ааҕааччыларга махтал суруктар, кинигэлэр туттарыннылар.