2002 сыллаахха Уус Алдан улууһун Уус Куөлүн бөһүөлэгин библиотекарьдара О.И. Аммосова уонна А.Д. Пестрякова суруйарга холонор дьону түмэн "Куду" литературнай түмсүүнү тэрийбиттэрэ. Манна араас саастаах, араас идэлээх, айар кут абылаҥар ылларбыт дьон түмсүбүттэрэ. Бу түмсүү нэһилиэк айар дьоҕурдаахтарын айымньыларын киэҥ эйгэҕэ таһаарарга, айылҕаттан бэриллибит талааннарын сайыннарарга көмөлөһөр сыаллаах үлэлээбитэ.

Биллиилээх суруналыыс, ССРС суруйааччыларын сойууһун чилиэнэ, поэт, өр сылларга "Ленин суола", "Эҥсиэли" хаһыаттарга кылаабынай редакторынан үлэлээбит, "Отуу уота" литературнай түмсүүнү төрүттээбит, салайбыт Н.М. Рыкунов төрөөбүтэ 85 сылыгар аналлаах "Доҕотторуом, олортуоҕуҥ поэзия чэчирин тула..." поэзия күнүгэр "Уһуктуу" (сал. Г.В. Аммосова) кытыыны ыллылар. Тэрээһини Н.М. Рыкунов аатынан Нам улууһун киин библиотеката иилээн - саҕалаан ыытта.

Эйигин, Саха Республикатын культуратын үтүөлээх үлэһитин, педагогическай наука кандидатын, Саха Республикатын Национальнай библиотекатын  библиотечнай дьыалаҕа салайар киинин сэбиэдиссэйин дьоһун-мааны үбүлүөйдээх күҥҥүнэн Уус Алдан улууһун кииннэммит библиотека тиһигин коллективын, ветераннарын аатыттан итиитик-истиҥник эҕэрдэлиибит! 

Кулун тутар 16 күнүгэр саха литературатын төрүттээччи, суруйааччы, бөлүһүөк Өксөкүлээх Өлөксөй төрөөбүт күнүгэр, сахалыы тыллаах Бикипиэдьийэни төрүттээччи, айбыт "аҕата" Николай Николаевич Павлов-Халан уонна Н.Е. Мординов-Амма Аччыгыйа аатынан "Кэскил" оҕо бэчээтин кыһатын салайааччыта Ольга Ивановна Семенова, Уус-Алдан эдэр суруналыыстарыгар, библиотекардарыгар, музей үлэһиттэригэр икки хайысхалаах анал үөрэх ыыттылар. Уонна улуус культуратын управлениятын начальнигын Аммосов И.И. көрүстүлэр.