Төрөөбүт тыл уонна сурук-бичик күнүн чэрчитинэн олунньу 12-17 күннэригэр 10 төгүлүн ыытыллар өрөспүүбүлүкэтээҕи «Сахалыы дьыктаан» аахсыйаҕа Уус Алдан кииннэммит библиотека тиһигин 24 филиала, С.С. Васильев-Борогонскай аатынан Киин библиотекаттан көхтөөхтүк кытыннылар. 

«Сахалыы дьыктаан» аахсыйа сыала-соруга саха тылын суолтатын үрдэтии, төрөөбүт тылынан сөпкө саҥарар-суруйар таһымы үрдэтии, сатабылын иҥэрии буолар. Тэрийээччилэринэн буоллулар Саха Өрөспүүбүлүкэтин Национальнай библиотеката, М. К. Аммосов аатынан Хотугулу - Илиҥҥи Федеральнай университета, Россия Хотугулуу-Илиҥҥи олохтоох омуктар тылларын уонна культураларын института, саха тылын кафедрата.

Дьыктааҥҥа нэһилиэк тэрилтэлэрин үлэһиттэрэ, түмсүүлэр кыттыылаахтара, ыччаттар, оскуола оҕолоро,  барыта 25 площадкаҕа 265 кыттааччы бэйэтин тургутунан көрдө.  Дыктааҥҥа үс араас текис ааҕылынна. Ол курдук поэт, прозаик Реас Алексеевич Кулаковскай төрөөбүтэ 110 сылыгар анаан «Биир ууга үс хонук» кэпсээниттэн быһа тардан 191 тыллаах тиэкис,  В. Федоров кэпсээниттэн быһа тардан «Чыычаахсыт» 137 тыллаах тиэкис,  саха норуодунай суруйааччыта, Былатыан Ойуунускай аатынан судаарыстыбаннай бириэмийэ лауреата Николай Лугинов «Чыркымай» диэн кэпсээниттэн быһа тардан 220 тыллаах тиэкис.

Түмүккэ кыттааччыларга «Үчүгэй суруксут», «Бастыҥ суруксут», «Бастыҥтан бастыҥ суруксут» диэн анал ааттар туттарылыннылар.

Элбэх кыттааччылардаах дьыктааны суруйтардылар М. К. Федорова аатынан Баатаҕай (сэб. А. П. Пермякова), С.С. Аржаков аатынан Бээрийэ (сэб. Т.А. Никифорова),  С.Г. Крылов аатынан Майаҕас  (сэб. К.Н. Кириллина), А.И. Турантаев аатынан Тиит-Арыы (сэб. М.Г. Аргунова) библиотекардара.