Кэм ирдэбилигэр сөп түбэһэн ыччат саастаах дьон пушкинскай картаны оҥотторуулара үксүүр. Ол курдук улуустааҕы киин бибилэтиэкэ правовой, информационнай уонна общественнай өҥөнү оҥорор кииннэрэ, “Мин докумуоннарым” элбэх өҥөнү оҥорор киин исписэлиистэрэ кыттыылаах “Пушкинскай картаны оҥоттор, туһан” анал тэрээһиннэри ыыттылар.
Тохсунньу ый 29 күнүгэр Мүрүтээҕи “Уолан” гимназия 8-9 кылаас үөрэнээччилэригэр “Сыккыс” библиотека
библиотекара Копырина В.В. уонна “Мин докумуоннарым” элбэх өҥөнү оҥорор киин исписэлииһэ Павлова С.Д. “Пушкинскай карта” туһунан иһитиннэрии оҥордулар регистрация өҥөтүн ыыттылар.
Олунньу ый 7 күнүгэр эмиэ Мүрүтээҕи “Уолан” гимназия үөрэнээччилэригэр “Пушкинскай карта” туһунан иһитиннэрии уонна регистрация өҥөтө ыытылынна. Ону таһынан үөрэнээччилэргэ бибилэтикэрдэр Тарская М.И., Гоголева М.Н. Национальнай электроннай бибилэтиэкэ уонна Б.Н. Ельцин аатынан Президенскэй бибилэтиэкэлэри билиһиннэрдилэр. “Мин докумуоннарым” элбэх өҥөнү оҥорор киин исписэлииһэ Прибылых Д.И. госуслуга анал сайтыгар бэрэбиэркэ үлэтин ыытта, регистрация оҥордо.
Олунньу ый 14 күнүгэр киин бибилэтиэкэ электроннай саалатыгар аһаҕас аан күннэрин биллэрэн Пушкинскай картаны ылыыга бэсиэдэ уонна регистрация оҥоһулунна. Оҕолор бибилэтиэкэ өҥөтүн, электроннай бибилэтиэкэ туһунан кылгас иһитиннэриилэри болҕойон иһиттилэр, бэрт судургутук “Мин докумуоннарым” элбэх өҥөнү оҥорор киин исписэлииһигэр Тарская С.С. пушкинскай карталары оҥоттордулар.
Бары тэрээһин түмүктэринэн үөрэнээччилэргэ анал сыһыарыынан сөптөөхтүк туһаналларыгар быһаарыылаах матырыйааллар туттарылыннылар, доҕотторугар, чугас дьонноругар иһитиннэрии оҥорон пушкинскай картаны оҥоттороллоругар сүбэлээтилэр. Барыта 42 оҕо хабылынна, 32 оҕоҕо пушкинскай карта оҥоһулунна.