Олунньу ый 9 күнүгэр “Айар” кинигэ кыһата тэҥҥэ үлэлэһэр суруйааччыларыгар, тэрилтэлэригэр “Айардыын” бииргэ. Сыл бастыҥнара-2022” бириэмийэ туттарыытын тэрээһинин ыытта. Уопсайа 28 номинация олохтоммутуттан, Уус Алданнааҕы нэһилиэктэр икки ардыларынааҕы кииннэммит библиотекабыт тиһигэ “БАСТЫҤ ПАРТНЕР: Ааҕыыны көҕүлээччи” II степеннээх дипломунан уонна 7 тыһ. солк. кинигэ продукциятын ылыыга сертификатынан наҕаарадаланна! “Бастыҥ партнер” үрдүк ааты ылыыбыт бу улууспут уопсай ситиһиитэ.
- Просмотров: 359
Олунньу 6 күнүгэр П.А. Ойуунускай аатынан литературнай музейга биир дойдулаахпыт, суруйааччы, тылбаасчыт, Россия суруйааччыларын Союһун чилиэнэ, Саха Республикатын үтүөлээх суруналыыһа, Чолбон сурунаал редактора Данил Николаевич Макеев «Кыргыс толоонугар көрсүһүү» диэн кэпсээннэр, тылбаастар түмүллүбүт саҥа кинигэтин сүрэхтэниитэ бэрт тэрээһиннээхтик буолан ааста. Көрүһүүгэ кыттыыны ыллылар: Саха Республикатын суруйааччыларын түмсүүтүн бэрэссэдээтэлэ, норуодунай бэйиэт И.В. Мигалкин, Саха Сирин суруйааччыларын түмсүүтүн бэрэссэдээтэлэ, норуодунай бэйиэт Н.И. Харлампьева, Саха Республикатын норуодунай суруйааччылара Н.А. Лугинов, Попов С. А.- Сэмэн Тумат, «Айар» кинигэ кыһатын директора А.В.Егоров уо.д.а. кыттыыны ыллылар.
Кинигэҕэ дьон - сэргэ ол тыйыс кэмнэри кытаанах, дьулуурдаах санаатынан туруулаһан Улуу Кыайыыны уһансыбыттарын туһунан кэпсээннэрэ уонна араас суруйааччылар айымньыларын тылбаастара киирбиттэр.
- Просмотров: 350
С. С. Васильев - Борогонскай аатынан киин библиотека
Саха Өрөспүүбүлүкэтигэр Үлэ сылыгар,
төрөөбүт тыл уонна сурук-бичик күнүгэр аналлаах
«АМАН ӨС»
күрэххэ кыттыыны ыларгытыгар ыҥырабыт.
Буолар сирэ: С. С. Васильев - Борогонскай аатынан киин библиотека ааҕар саалатыгар.
Буолар күнэ, бириэмэтэ: олунньу ый 14 күнэ, 14:00 чаастан
- Просмотров: 401
Страница 52 из 74
