Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Тохсунньу 23 күнүгэр С.Г. Крылов аатынан Майаҕас модельнай библиотекатыгар  Арассыыйаҕа Педагог уонна настаабынньык сыла саҕаламмытынан  уонна Буочар күнүнэн улуустааҕы "Умсулҕан" коллекционердар түмсүүлэрин кыттыылаахтара, бэтэрээн педагогтара кэлэн бэйэлэрин сурукка-бичиккэ аналлаах коллекцияларын туруордулар, бу күн устуоруйатын туһунан  кэпсэттилэр, дьыктаан суруйдулар. 

Федорова Анна Михайловна,   Бурцева Клара Гаврильевна, Борисова Мария Михайловна бэйэлэрин коллекцияларын туруордулар, кэпсээтилэр. ССРС үөрэҕириитин туйгуна, СӨ үөрэҕириитин үтүөлээх үлэһитэ, “Дети Азии” фонд стипендиата, Уус Алдан улууһун бочуоттаах олохтооҕо Сивцева Елизавета Фёдоровна 3 кылааска үөрэнэ сылдьан суруйбут дьыктаанын уура сылдьара сөхтөрдө. Кини чэрэниилэлээх бөрүөнэн бастакы кылаас тэтэрээтигэр нэһилиэнньэҕэ дьыктаан суруйтарда.

Кэлбит дьон, тохсунньу томороон тымныытын аахсыбакка, оҕо саастарын санаан, долгуйан, үөрэн, махтал тылларын этэн, дуоһуйан тарҕастылар. Бу тэрээһин "2023 сыл сүбэһитэ, бастыҥ көмөлөһөөччүтэ"  анал аат хаһаайката, Хоро нэһилиэгин бочуоттаах олохтооҕо, педагогическай үлэ бэтэрээнэ, настаабынньык Копырина Марина Романовна  көҕүлээһининэн ыытылынна.

Сонун төрдө: Майаҕас модельнай библиотеката