Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Улуу Кыайыы күнэ. Киһи аймах өрөгөйүн үрдэппит, олоҕу туругурдубут Кыайыы күнэ! Бу күн биһиги бука бары эйэлээх халлаан анныгар кыайыыны уһансыбыт, сэриигэ геруойдуу охтубут, сураҕа суох сүппүт аҕаларбытын, эһээлэрбитин, эбээлэрбитин, убаайдарбытын кэриэстээн, кинилэргэ махталбыт, сүгүрүйүүбүт бэлиэтэ — мэтириэттэрин киэн тутта күөрэччи көтөҕөн, холуонналарынан хаамтыбыт.

“Өлбөт үйэлээх полк” хаамыыта олус улахан суолталаах тэрээһин. Акцияҕа күөрэччи көтөҕүллэр хас биирдии буойун хаартыската – хас биирдии дьиэ кэргэн, халыҥ аймах, бүтүн дойду дириҥ историята буолар.

Уус Алдан улууһун киин бибилэтиэкэтэ Улуу Кыайыы күнүгэр сыл ахсын күргүөмүнэн хоһоон ааҕыытын өрө көтөҕүллүүлээхтик тэрийэр. Быйылгы күргүөмүнэн ааҕыы акция төрдүс төгүлүн ыытыллынна, долгутуулаах тэрээһин СӨ суруйааччыларын сойууһун чилиэнэ Василий Саввин төрөөбүтэ 80 сылыгар ананна. Бука бары бэйиэт В. Саввин «Ветераннар» хоһоонун быһа тардыытын парадка кэлбит тэрилтэ үлэһиттэрэ, оскуола оҕолоро, үлэ, тыыл ветераннара бары биир киһи курдук күргүөмүнэн доргуччу аахтыбыт. Бүтүн улуус үрдүнэн тыһыынчанан киһи кыттыыны ылла.

 

Выставка турда, оскуола оҕолоругар урок «Мужества», викториналар, беседалар ыытыллыннылар.