Социалистическай Үлэ Геройа Анастасия Копырина олоҕун, үлэтин сырдатар быыстапка Дьокуускайга арылынна.

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Анастасия Копырина үлэтэ республикаҕа суолтатын Республика тыатын хаһаайыстыбатын министрэ Александр Атласов кэпсээтэ. Александр Павлович Уус Алданнарга үлэ дьонун өрө тутар үлэлэрин махтанан туран эттэ. Анастасия Семеновна төрөөбүт нэһилиэгэр Кэптэнигэ сквер тутан аатын үйэтитэргэ, үлэ хайысхатын бу курдук тутан бары улуустарга тарҕатыах тустаахпытын бэлиэтээтэ .

Улуус баһылыга Алексей Федотов Дьоруой Настааны уйэтитэр үлэ эдэр көлүөнэҕэ суолталааҕын этэн туран, аны Герой үлэлээбит Дэрги сайылыгар ыанньыксыттар куннэрэ ыытыллар буоларын эттэ. Улуус чулуу дьонун бэлиэ күннэрин бэлиэтээһин үлэтэ күүскэ барарын кэпсээтэ .

Анастасия Семеновна кыыһа Марфа Новикова быыстапканы арыйыыга кэлэн махтанна, аймахтара үөрэллэрин кэпсээтэ. Ыччаттарга үтүө холобур - үлэҕэ үөрэнии буоларын бэлиэтээн эттэ .

Дьокуускай куоракка турбут быыстапканы улуустааҕы история музейа уонна библиотекалар тиһиктэрэ холбоон тэрийдилэр. Сэдэх экспонаттаах быыстапка Тыа хаһаайыстыбатын министиэристибэтигэр нэдиэлэ устата, кулун тутар 23 күнүгэр диэри туруоҕа.