«Үс геройдаах Байаҕантай» Советскай Союз Геройа В.Д. Лонгинов төрөөбүтэ 100 сылыгар аналлаах тэрээһин

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

музейнай уруоктар Г.В. Егоров аатынан Мүрү 1N-дээх, Мүрү 2 N-дээх оскуолаларыгар, Мүрүтээҕи «Уолан» гимназияҕа (И.П. Готовцев аатынан Тандатааҕы историческай - кыраайы үөрэтэр музей сотрудниктара Колодезникова Е.К., Готовцева В.В., библиотекарь - Егорова Э.Ю, С.С. Васильев - Борогонскай аатынан киин библиотека специалистара Павлова О.Н., Черкашина С. М., Бурцева Т.Д., Орлова Т.Г.) ыыттылар. Барыта 180 оҕо хабылынна.

Тэрээһин иккис чааһа Офиснай киин актовай саалатыгар ааста. «Албан ааттаах Герой – В.Д. Лонгинов төрөөбүтэ 100 сылыгар» диэн Советскай Союз Геройа, биир дойдулаахпыт Владимир Дионисьевич Лонгинов олоҕун туһунан улууска туһааннаах тэрилтэлэр туох докумуоннары, информацияны түмэн олороллорун, кини аатын үйэтитиигэ ыытыллар үлэ, инники былааннар туһунан билиһиннэрэр сыаллах – соруктаах үс түһүмэхтээх төгүрүк остуол ыытылынна.

Төгүрүк остуолу иилээн-саҕалаан ыыта Аммосов И.И., культура управлениетын начальнига, улуус мунньаҕын солбуйар бэрэссэдээтэлэ, Байаҕантайдааҕы уокуруктан депутат.

Кыттыыны ыллылар: Борисов М.В., улуус баһылыгын солбуйааччыта, Калининскай И.С., улуустааҕы ветеран Сэбиэтин бэрэссэдээтэлэ, Колодезникова Е.К., И.П. Готовцев аатынан Тандатааҕы историческай - кыраайы үөрэтэр музей сотруднига, Белолюбская З.М., Бороҕоннооҕу история музейын директора,   Колодезникова Р.К., С.С. Васильев - Борогонскай аатынан киин библиотека отделын сэбиэдиссэйэ , Павлова О.Н., С.С. Васильев - Борогонскай аатынан киин библиотека «Алгыс» кыраайы үөрэтэр сектор сэбиэдиссэйэ, Пухов Г.И.,    улуус архивын сүрүн специалиһа,  Громова М., Мүрү 2 N-дээх орто оскуолатын 11-с кылааһын үөрэнээччитэ, Бурцева О.И., Мүрү 2 N-дээх орто оскуолатын музейын салайааччыта, Лугинова И.А., В.Д. Лонгинов аатынан Бээрийэ оскуолатын история учуутала, кыраайы үөрэтээччилэр, история учууталлара, культура дьиэлэрин, музей, библиотека үлэһиттэрэ, ыччат.

Владимир Дионисьевич Лонгинов төрөөбүтэ 100 сылын бэлиэтиир тэрээһиннэр чэрчитинэн кини аатын үйэтитиигэ биир ситимнээх үлэни ыытар инниттэн төгүрүк остуол кыттыылаахтара маннык ис хоһоонноох резолюцияны ылынныбыт:

«Уус-Алдан улууһа (оройуона)» муниципальнай оройуон дьаһалтата:

  • Дьокуускай куоракка В.Д. Лонгинов аатынан скверы тутарга үлэлэһэллэригэр;
  • В.Д. Лонгинов төрөөбүт сирин чуолкайдыыр инниттэн СР Национальнай архыыбын фондатыгар   салгыы чинчийэр үлэни ыытарга.

«Байаҕантай нэһилиэгэ» муниципальнай тэриллии дьаһалтата:

  • В.Д. Лонгинов аатын үйэтитиигэ былааннах үлэни салгыы ыытарга, кинигэ тахсыытыгар үлэлэһэргэ

Улуустааҕы үөрэх управлениета:

  • Улуус оскуолаларыгар В.Д. Лонгинов олоҕун туһунан бэсиэдэлэри, кылаас чааастары тэрийэргэ;

Улуустааҕы культура тэрилтэлэрэ:

  • Хас биирдии нэһилиэккэ В.Д. Лонгинов олоҕун туһунан нэһилиэнньэ киэҥ араҥатыгар бэсиэдэлэри, тэрээһиннэри ыыталларыгар, улуус үрдүнэн ыытыллар «Ааҕабыт. Киэн туттабыт. Махтанабыт» Акцияҕа кыттарга;
  • Киэҥ эйгэҕэ улуус электроннай библиотекатын билиһиннэрэргэ;
  • «Мы-наследники Великой Победы» 3-с кинигэни хомуйан таһаарыыга үлэлэһэргэ;
  • В.Д. Лонгинов олоҕун матырыйааллары туһунан республика, улуус хаһыаттарыгар бэчээттэтэргэ.

Бары биир санаанан резолюцияны ылынныбыт.