Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

От ыйын 3 күнүгэр Өрөспүүбүлүкэҕэ аан бастаан ыытыллыбыт “Төрүччү төлкөтө” Уус-Алдантан 9 библиотекарь кыттыыны ылла.

Үс сиэксийэнэн үлэ барда.

Онтон 12 чааска Ем.Ярославскай аатынан мусуой тэлгэһэтигэр, Төрүччүттэр бастакы сийиэстэригэр аналлаах, харысхал бэлиэлээх, оһуордаах-мандардаах, үөһээ өттүгэр хотойдоох “Өбүгэ сэргэтэ”, сахалыы сиэр-туом тутуһуллан, Алгысчыт алгыһынан, туруорулунна. Бу өйдөбүнньүк сэргэни Нам улууһун Хатырык нэһилиэгин уран уустара оҥорбуттар.

Суорун Омоллоон аатынан Опера уонна балет тыйаатырыгар сийиэс Пленарнай мунньаҕа буолла. Фойеларга быыстапка үлэлээтэ. Тэрээһини СӨ Баһылыгын уонна Бырабыыталыстыбатын Дьаһалтатын Олохтоох бэйэни салайыныыга департаменын салайааччы Афанасий Владимиров иилээн-саҕалаан ыытта.

Сийиэс сүрүн дакылаатын Саха сиригэр Төрүччү электроннай архыыбын оҥоруу идиэйэтин ааптара, СӨ Наукаларын академиятын ассоциированнай чилиэнэ-Хотугу омуктар төрүччүлэрин үөрэтэр-чинчийэр уопсастыбаннай научнай институт дириэктэрэ Константин Аргунов оҥордо. Кини биэс сыл устата туох оҥоһуллубутун уонна инники былааннары билиһиннэрдэ.

Сийиэс туһааннаах резолюция ылынна.