Бүгүн кулун тутар 18 күнүгэр С.С.Васильев-Борогонскай аатынан киин библиотека ааҕар саалатыгар Өрөспүүбүлүкэтээҕи «Чолбон» сурунаал ыытар «Өркөн улахан өй оонньуутун» күрэһин биһиги улууспутугар ыытта. Оонньууну «Чолбон» сурунаал бас эрэдээктэрэ Гаврил Андросов уонна сурунаал эрэдээктэрин солбуйааччыта, биир дойдулаахпыт Данил Макеев ыыттылар. Күрэх кыттааччыларын улуустааҕы култуура управлениетын салайааччыта С.С. Нафанаилов эҕэрдэлээтэ.

Күрэххэ уопсайа 6 ыал кытынна. Боппуруостар сүрүннээн саха литературатын төрүттээччилэрин, норуодунай суруйааччылар үлэлэригэр, айымньыларыгар олоҕуран оҥоһуллубут боппуруостарга тиэс ньыматынан суругунан эппиэттээтилэр. 5 түһүмэхтээх күрэххэ 33 боппуруостан 30 боппуруоһугар таба эппиэттээн, 1-кы миэстэни Колодезниковтар дьиэ кэргэн (II Лөгөй нэһилиэгэ) ылан өрөспүүбүлүкэтээҕи түһүмэххэ кыттарга туоһу суругу туттулар. 2-с миэстэ Матвеевтар (Лөгөй нэһ.), 3-с миэстэ Крыловтар (Мүрү нэһ.), 4-с миэстэ Винокуровтар (Мүрү нэһ.), Турантаев-Бысыиннар (Тиит-Арыы нэһ.) үллэһиннилэр, 5-с миэстэ Васильевтар (Мүрү нэһ.) дьиэ кэргэн ылары ситистилэр.