Олунньу 29 күнүгэр улуустааҕы киин библиотекаҕа үлэһит үтүөтэ, сатабыллаах салайааччы Лаврентий Иванович Новогодин төрөөбүтэ 80 сылыгар анаан тахсыбыт "Дьон туһугар анаммыт олох" саҥа кинигэ сүрэхтэниитэ ыытылынна. Тэрээһиҥҥэ киирии тылы улуус дьаһалтатын баһылыга Василий Иванович Аммосов эттэ. Лаврентий Иванович кэргэнэ Варвара Николаевна Новогодина, кыргыттара Айталина,

Саргылана, Иванна Лаврентьевналар,кинилэр оҕолоро кинигэ тахсыытыгар көмөлөспүт бар дьонноругар махталларын тиэртилэр. Салгыы Лаврентий Иванович чугас аймахтара, оскуолаҕа бииргэ үөрэммит доҕотторо, бииргэ учууталлаабыт, салалтаҕа биир кэмҥэ үлэлээбит үөлээннээхтэрэ бииртэн-биир иһирэх ахтыылары оҥордулар. Лаврентий Иванович туһунан видеоматырыйааллар көрдөрүллэннэр, тэрээһин ис хоһоонун ситэрэн-хоторон биэрдилэр.