Муус устар 27 күнэ - Саха Өрөспүүбүлүкэтин күнүн көрсө сылын аайы ыытыллар "Символы Якутии. Я - патриот" диэн олимпиада быйыл VII төгүлүн ыытылынна. Бу сылга өрөспүүбүлүкэтээҕи олимпиада " Мин патриотпун" диэн тиэмэҕэ буолла. Сорудахха Саха сирин историятын, култууратын, географиятын хабар 9 тургутук ыйытыы уонна "Биһиги кэммит геройа, Кини кимий? " диэн айар үлэ (эссе) бэриллибит.


Олимпиада сыалынан оҕону патриотическай тыыҥҥа иитии, төрөөбүт дойдутун историятын, географиятын, культуратын билэр киһи буолан тахсарын ситиһии буолар.
Олимпиаданы Дьокуускайдааҕы " Оҕо арыллар, ааҕар киинэ" уонна улуустааҕы оҕо библиотекалара тэрийэн , иилээн - саҕалаан ыыттылар.
Биһиги улууспутуттан уопсайа 350 үөрэнээччи кыттыыны ылла. Кыттааччылар туоһу суругунан, кыайыылаахтар дипломунан бэлиэтэннилэр.
Сылын аайы ыытыллар олимпиада кыттааччыта хаҥыыр, интэриэһэ улаатар.