Олунньу 27 күнүгэр Суотту нэһилиэгэр Аҕа дойду Улуу сэриитин кэмигэр Ильмень күөлгэ кыргыһыы 80 сылыгар 19-с хайыһар биригээдэтин Албан ааттаах буойуннарын үйэтитэр аналлаах "Саха НКИХ" ХОТУГУ СУЛУС" оҕо телерадиоакадемията ыытар "Мин төрөөбүт дойдум" үөрэтэр, биллэрэр бырайыагын чэрчитинэн уонна Суотту нэһилиэгин общественноһын тэрээһининэн Аҕа дойду Улуу сэриитин чаҕылхай страницатынан буолар УЛУУ ИЛЬМЕНЬ кыргыһыытын үйэтиппит киэн туттар биир дойдулаахпыт, поэт, публицист П.А. Ойуунускай аат. судаарыстыбаннай бириэмийэ лауреата С.С. ВАСИЛЬЕВ - БОРОГОНСКАЙ

төрөөбүт дойдутугар, Суотту сиригэр "УЛУУ БУОЙУННАР ЧИЭСТЭРИН ТУОЙУОҔУҤ" тэрээһин үрдүк таһымҥа Хоноҕордооҕу "Түһүлгэ" СК ыытылынна. Суотту биэрэгэр "МЭҤЭ ТААС" бэлиэҕэ Ильмеҥҥэ саха буойуннарыгар сүгүрүйэн кэлбит өрөспүүбүлүкэбит араас муннуктарыттан сылдьар делегациялыры көрсүү библиотекарь Р.Н. Черкашина кэпсээниттэн саҕаланна. С.С. Васильев-Борогонскай скверигэр сибэкки дьөрбөтүн ууруу тэрээһинин И.А. Осипова, В.С. Бубякина ыыттылар. Суотту орто оскуолатыгар анал программанан директор И. М. Петухова салайааччылаах коллектив тэрээһиннэри дириҥ ис хоһоонноохтук ыытан делегациялар махталларын ыллылар. С.С. Васильев - Борогонскай аат. ХОНОҔОР СҮРҮН ОСКУОЛАТЫГАР уонна ПОЭТ музей дьиэтигэр экскурсия ыытылынна. Хоноҕор сүрүн оскуолатыгар директор эбээһиннэһин толорооччу Е.И. Александрова тэрийэн ыытта. Е.Н. Гоголева салайар "ТҮҺҮЛГЭ" СК ыалдьыттары көрсүү оһуохайынан саҕаланна. ‌ С.С. Васильев-Борогонскай олоҕун, үлэтин арыйар "ПОЭТ. ГРАЖДАНИН. ПАТРИОТ." быыстапка турда. РСФСР норуотун үөрэҕириитин туйгуна, СӨ үтүөлээх учуутала И.И. ГОГОЛЕВ "СУОТТУЛАР СЭРИИ СЫЛЛАРЫГАР" сериянан уруһуйдарын быыстапката, Педагогическай үлэ ветерана, СӨ үөрэҕириитин туйгуна Р.Е. Охлопкова оҥоһуктарын быыстапката, Педагогическай үлэ ветерана, СӨ үөрэҕириитин туйгуна, Уус Алдан улууһун норуотун маастара Е.И. Иванова С.С.Васильев - Борогонскай олоҥхолорунан паннолара мустубут дьон кэрэхсэбилин ыллылар. ‌ИЛЬМЕНЬ КҮӨЛ кырыктаах кыргыһыытыгар кыттыбыт буойуннар Албаннаах Ааттарыгар сүгүрүйэр добун чааска УЛУУСТАР РАПОРДАРын "Саха НКИХ" ХОТУГУ СУЛУС" оҕо телерадиоакадемиятын салайааччыта Т.А. Гоголева, С.С. Лебедева иилээн-саҕалаан ыыттылар. Манна кыттыыны ыллылар Ильмень күөлгэ баран саха буойуннарын хорсун быһыыларыгар сүгүрүйэн кэлбит улуустар оскуолаларын делегациялара, кинилэр салайааччылара, Улуус дьаһалтатыттан кыттыыны ылла С.С. Васильев-Борогонскай аатынан улуустааҕы киин библиотека кыраайы үөрэтэр салаатын салайааччыта О.Н. Павлова, поэт кыыһа В.С. Васильева, аймахтара, Суотту олохтоохторо. Бу дириҥ ис хоһоонноох тэрээһин Суоттуга Васильевскай ааҕыылары төрүттээбит, Россияҕа тиийэ сырдаппыт ытык киһибит Р.Р. Кулаковская кэс тылынан түмүктэннэ.