Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Бүгүн олунньу 11 күнүгэр Саха Автономията тэриллибитэ 100, С.С.Васильев-Борогонскай төрөөбүтэ 115 сылларын, Саха сирин норуоттарын VIII Спортивнай оонньууларын көрсө төрөөбүт тыл уонна сурук-бичик күнүгэр аналлаах "Аман Өс" күрэх ыытылынна. Күрэххэ икки бөлөҕүнэн, оскуола 9,10,11 кылааһын үөрэнээччилэрэ уонна 35 саастарыгар диэри эдэр ыччат кыттыыны ыллылар. Уопсайа 14 кыттааччыттан 7 оҕо, 7 ыччат буолан күөн көрүстүлэр.

Дьүүллүүр сүбэҕэ председателинэн "Кэскил түһэ" ийэ тыл түмсүү салайааччыта Бурцева Светлана Михайловна, чилиэннэринэн Саха сирин суруйааччыта, "Уһуктуу" улуустааҕы литературнай түмсүү чилиэнэ Бурнашева Ульяна Ивановна-Уйана, улуустааҕы спорт,дьиэ кэргэн, ыччат политикатын отделын салайааччыта Аргунов Григорий Федорович буолан сыаналаатылар.

Күрэх түмүгэ олунньу 13 күнүгэр Уус Алдан улууһун кииннэммит библиотека тиһигин сайтыгар http://uacbs.ru/, уонна инстаграм сирэйигэр centralib тахсыаҕа.

Иитиллибит ийэ тылбытынан истиҥник-иһирэхтик иилэһэн, сахабыт сайдам саҥатынан сайаҕастык сайа тыынан төрөөбүт төрүт тылбыт төлкөтүн түстүөҕүҥ, удьуору утумнаан уу сахалыы тыллаах буолуоҕуҥ!