Олунньу 15 күнүгэр Улуустааҕы оҕо библиотекатыгар «Төрөөбүт тыл, сурук-бичик күнүгэр» аналлаах 7 кылаастар икки ардыгар «Төрөөбүт төрүт тылбыт — барҕа баайбыт» квиз — плиз оонньуу ыытылынна. Манна Мүрү 1 №-дээх орто оскуолатыттан 3 хамаанда кыттыыны ылан, 5 түһүмэх устата араас ыйытыктарга хоруйдаан, өс хоһооннорун таайан олус интириэһинэй, көрдөөх күрэххэ күөн көрүстүлэр, көхтөөхтүк оонньоотулар.
Түмүккэ: 1 м-7 в кылаас «Мичээр», 2 м-7 б кылаас «Өйдөөхтөр», 3 м-7 а кылаас «Өрөгөй» хамаандалара таҕыстылар. Оҕолор элбэҕи билэн, оонньоон-көрүлээн, астынан тарҕастылар. Улуустааҕы оҕо библиотекатын үлэһиттэригэр, тэрийэр бөлөххө оҕолобутугар биир умнуллубат түгэни бэлэхтээбиккитигэр истиҥник махтанабын! Доруобай, дьоллоох буолуҥ!
