Уус Алданнааҕы кииннэммит библиотека тиһигэ сахалыы таба суруйуу үөрүйэҕин сайыннарар, олоҥхо баай тылын-өһүн билиһиннэрэр, тарҕатар сыаллаах үһүс төгүлүн ыытыллыбыт Өрөспүүбүлүкэтээҕи «Олоҥхо дьыктааныгар» ситиһиилээхтик кытынна. Ол курдук, 254 улахан дьоҥҥо дьыктааны суруттаран өрөспүүбүлүкэҕэ III үрдэли туоһулуур Добун сурук туттарылынна. Улуус иһигэр дьыктааны саамай элбэх кыттааччылаах 20 киһи Дүпсүн библиотекатыгар (сэб. Сивцева П.И.) суруйдулар.
