✨Улуустааҕы Оҕо, ыччат ааҕар киинигэр✨ бэс ыйын 11 — 18 күннэригэр оҕо ааҕыытын площадката тэриллэн үлэлээтэ.
Оҕо сахалыы? ааҕыытын көҕүлүүр сыалтан остуоруйалары, кэпсээннэри ааҕан билистилэр, ырытыстылар, араас тематическай уруоктары,
бэсиэдэлэри иһиттилэр, интеллектуальнай оонньууга кытыннылар. Улууспут, Өрөспүүбүлүкэбит сирин — уотун, төрүттэниитин туһунан билистилэр. Улуустааҕы «Умсулҕан» коллекционердар түмсүүлэрин чилиэнэ А. М. Федорова Саха сиригэр спорт сайдыытын историятыттан, олимпиада , «Азия оҕолоро» спортивнай оонньуулар талисманнарын,символларын туруоран, оҕолор киэҥ сэҥээриилэрин ылла. Маны таһынан оҕолор остуол оонньууларынан көхтөөхтүк оонньоон, уруһуйдаан, викторинаҕа кыттан атаардылар. Оҕолор ааҕыы түһүлгэтигэр сылдьан элбэх саҥаны, сонуну билэн үөрэн — көтөн тарҕастылар.