Алтынньы 16 күнүгэр С.С. Васильев-Борогонскай аатынан киин модельнай библиотека ааҕар саалатыгар Курбуһах нэһилиэгин олохтооҕо социальнай сулууспа бэтэрээнэ Пухова Анна Егоровна 45 сыл араас тиэмэлэргэ улуус, өрөспүүбүлүкэ хаһыаттарыттан муспут матырыйаалларын билиһиннэрэр «БИЛИИНИ БИЭРЭР УТУМНААХ ДЬАРЫК» тэрээһинэ истиҥник – иһирэхтик ааста. Тэрээһин кыттыылаахтара Анна Егоровна матырыйаалларынан таҥыллыбыт быыстапканы кэрэхсии көрдүлэр, утумнаах дьарык дьоҥҥо –сэргэҕэ туһалыы туруоҕун бэлиэтээтилэр. Истиҥ киэһэни Н.С. Пестряков аатынан Уус-Күөлүн библиотекатын сэбиэдиссэйэ Марфа Анатольевна иилээ-саҕалаан ыытта. Анна Егоровна махтанан туран киин библиотека коллективыгар ураннык уустаан тикпит олбохторун бэлэх уунна.
