Биллиилээх государственнай, общественнай деятель Н.Н. Окоемов төрөөбүтэ 125 сылыгар аналлаах үбүлүөйдээх тэрээһиннэр чэрчилэринэн Курбуһах нэһилиэгин дьаһалтатын үбүлээһининэн Е.В. Местников аатынан Окоемовка библиотекатыгар өрөмүөн ыытылынна.
Библиотека тас истиэнэтэ бүрүлүннэ, бастакы этээс ис өртүгэр муостата линолеумнанна, иккис этээс үрдэ кэдэрийбитэ көннөһүлүннэ. Өрөмүөҥҥэ нэһилиэк олохтоохторо Степан Коммунарович Аммосов, Николай Егорович Аммосов, Никита Борисович Васильев үлэлээтилэр.

Опубликовано: 10 августа 2023

Просмотров: 360

Подробнее...

Атырдьах ыйын 8 күнүгэр Саха сирин бастакы президенин Михаил Ефимович Николаевы төрөөбүт дойдутугар, Хаҥалас улууһугар атаары кутурҕаннаах күнэ буолан ааста.
Михаил Ефимович дойду тутула уларыйар быыһык кэмигэр хас биирдии улуус, нэһилиэк сөптөөх суолу тутуһарыгар, сайдыы сүрүн хайысхаларын түстүүрүгэр сыаналаммат сүҥкэн кылаатын киллэрбитэ. Уус Алдан улууһуттан тахсыбыт саха норуотун сайдыытыгар бэйэлэрин кылааттарын киллэрбит, ол гынан баран кэм-кэрдии күлүктээбит бөдөҥ государственнай общественнай деятеллэрэ В.В. Никифоров-Күлүмнүүр, А.Аржаков-Сэһэн Ардьакыап сырдык ааттарын тилиннэриигэ, Аҕа дойду Улуу сэриитин буойуна М.М. Стрекаловскайга Россия Геройун үрдүк аатын иҥэрии Михаил Ефимович Николаев туруорсуутунан, өйөбүлүнэн олоххо киирбитэ. Уус Алдан сирэ сайдыытын туһугар Мүрү алааска Лена-Мүрү системанан Лена өрүс уута кэлиитэ, норуот культуратын сайыннарыыга Республикаҕа тэриллибит Духовность академиятын бастакы филиала Уус Алдаҥҥа арыллыыта, чөл олоҕу пропагандалаан улууска “Бүттүүн улууһунан-чөл олоххо” диэн ыҥырыылаах хамсааһын саҕаланан спортивнай улуус аатын ылыыбыт, Республикаҕа Президентскэй оскуолалар ситимнэригэр “Уолан” гимназия киириитэ - бу барыта норуот сайдыытын түстээбит, ырааҕы өтө көрбүт салайааччыбыт Михаил Ефимович Николаев өҥөтө буолар.

https://clck.ru/35Et2B

Опубликовано: 10 августа 2023

Просмотров: 327