Ытыктабыллаах Матрена Семеновна!
Эйигин, Чэриктэй библиотекатын сэбиэдиссэйинэн уһун сылларга таһаарыылаахтык үлэлээбит, нэһилиэкпит ытык киһитин, 80 саастаах үбүлүөйдээх күҥҥүнэн ис сүрэхпититтэн эҕэрдэлиибит!
Эн олоҕуҥ суола — үлэҕэ бэринии, дьоҥҥо-сэргэҕэ туһаны аҕалыы холобура. Эдэр сааскыттан библиотеканы салайан, кинини нэһилиэкпит култууратын киинэ оҥорбутуҥ. Ааҕааччыларга убаастабыллаах, үлэҕэр эппиэтинэстээх, ыччаты билиигэ-көрүүгэ уһуйар күүстээх наставник быһыытынан дьоҥҥо-сэргэҕэ дириҥ ытыктабылы ылбытыҥ.
Эн сыралаах үлэҥ, киһиэхэ сыһыаҥҥын, болҕомтолоох буолууҥ биһиги сүрэхпитигэр сырдык өйдөбүлү хаалларбыта. Култуура сайдыытыгар киллэрбит кылаатыҥ — кэлэр көлүөнэҕэ улахан баай.
Бу үөрүүлээх күҥҥэ эйиэхэ чэгиэн доруобуйаны, уһун дьоллоох олоҕу, дьиэ кэргэҥҥэр эйэни-дэми баҕарабыт. Чугас дьонуҥ, оҕолоруҥ, сиэннэриҥ уонна хос сиэннэриҥ тапталларыгар уйдаран, өссө да уһуннук дьоллоохтук олор!
Матрена Семеновна туһунан матырыйааллары улуус библиотекатын электроннай фондатыттан билсиҥ. https://rutube.ru/video/d6012122cd7fa6f11092cf3add1fe078/ books.uacbs.ru/books/culture/Biblioteka_veterannara/mobile/index.html#p=148