Улууспут тэриллибитэ 100 сылын көрсө «Уус-Алдан улууһа XVII — XXI үйэ саҕаланыыта» диэн библиографическай ыйынньык оҥоһулларынан бэс ыйын 9 күнүгэр 2026 с. улуустааҕы Киин библиотека ааҕар саалатыгар улуус кыраайы үөрэтээччилэрин, историктарын, түмэл, архыып үлэһиттэрин кыттыылаах сүбэ мунньах ыытылынна.
Кыттыыны ыллылар: СӨ култууратын үтүөлээх үлэһитэ, Уус Алдан улууһун, Дүпсүн, Мүрү нэһилиэктэрин бочуоттаах олохтооҕо И.И. Сыроватскай, кыраайы үөрэтээччи К.Н. Бурцева, улуус үөрэҕин управлениетын начаалынньыгын солбуйаччыта И.И. Никонов, улуус архыыбын салайааччыта А.Н. Прибылых, Сэһэн Ардьакыап аатынан улуус историятын уонна кыраайы үөрэтэр түмэлин үлэһитэ А.П. Сивцев, Мүрү 2 N-дээх орто оскуолатын директора А.М. Мигалкин.
Улуустааҕы Кииннэммит библиотека тиһигин директора Л.С. Павлова оҥоһуллуохтаах үлэ сыалын-соругун билиһиннэрдэ. Киин библиотека Справочнай-библиографическай отделын сэбиэдиссэйэ З.И. Данилова улуус историятыгар оҥоһуллуохтаах ыйынньык ирдэбиллэрин, ис тутулун, атын улуустарга тахсыбыт ыйынньыктары, бэчээккэ тахсыбыт улуус историятыгар сыһыаннаах кинигэлэри, ыстатыйалары кэпсээтэ.
Сүбэлэһии ыйынньык ис тутулун тула барда, Уус Алдан улууһун уратытын көрдөрөр тоҕоостооҕо бэлиэтэннэ, инникитин ыытыллыахтаах үлэ торумнанна.
