Сахабыт сиригэр самаан сайын сатыылаабыт мааныылаах күнүгэр, бэс ыйын 5 күнүгэр, С.С.Васильев – Борогонскай аатынан киин бибилэтиэкэ ааҕар саалыгар, ааҕааччы дууһатын намчы кылын таарыйар поэзия, проза дьиктилээх эйгэтигэр сиэтэн киллэрэр «Куорсун-2026» литературнай күрэх кыайыылаахтарын чиэстиир үөрүүлээх дьоро тэрээһин буолла. «Куорсун» литературнай күрэх улууспут айар куттаах дьонун өйүүр, көҕүлүүр сыаллаах анал былаан быһыытынан, дойду үрдүнэн 2015 сылга биллэриллибит Литература сылыттан саҕаланан ыытыллан үтүө үгэскэ кубулуйан, быйыл тохсус төгүлүн ыытылынна.
Барыта 39 кыттааччы, 54 айымньы 3 көрүҥүнэн, С. Есенин «Белая береза» хоһоонун тылбаастааһын; хоһоон айыытыгар, көрдөөх кэпсээн суруйуутугар кытыннылар.
Кыайыылаахтары чиэстиир күҥҥэ Уус Алдан улууһун дьаһалтатын социальнай уонна ыччат политикатыгар управление салайааччыта, Валентина Ивановна Андросова; улуустааҕы култуура управлениятын салайааччытын солбуйааччы Сулустаан Анатольевич Новоприезжай; Уус Алдан улууһун кииннэммит бибилэтиэкэ тиһигин дириэктэрэ Лена Семеновна Павлова; киин бибилэтиэкэ ааҕааччыны кытта үлэ отдел салайааччыта, «Уһуктуу» литературнай түмсүү салайааччыта Галина Владимировна Аммосова эҕэрдэлэрин тиэртилэр, күүс-көмө буолбут кинигэнэн бириис туруорбут куруук өйүүр дьоммутугар махтал суруктары туттардылар. Хоһоон көрүҥүн дьүүллүүр сүбэтигэр үлэлээбит Галина Григорьевна Басылайканова – Кэнтик кыыһа, Саха Өрөспүүбүлүкэтин Суруйааччыларын сойууһун чилиэнэ, Саха Өрөспүүбүлүкэтин үөрэҕириитин туйгуна, «Офсет» хааччахтаммыт эппиэтинэстээх тэрилтэ менеджера, «Кырсаада» литературнай түмсүү салайааччыта күрэххэ киирбит айымньылары сиһилии ырытан, ситимнээх үлэ барарын бэлиэтээн туран кыайыылаахтары наҕараадалаата.
Үөрүүлээх чааска дьон сэҥээриитин ылбыт “Киэҥ Мүрүбэр”диэн ырыанан Айаал Вырдылин, “Эн күөх дуол!” ырыанан Мотрена Васильева эҕэрдэлээтилэр.
«Куорсун-2026» литературнай күрэх кыайыылаахтара
Хоһоон айыыта:
1 үрдэл: Константинов Алексей Дмитриевич – Мэнигийээн «Эйиигин хатыҥмар холуубун» (Дьокуускай)
2 үрдэл: Гуляева Варвара Михайловна «Саллаакка ахтылҕан»(Найахы)
3 үрдэл: Васильева Глера Васильевна «Өбүгэм сирэ» (Дьокуускай)
Биһирэбил:
Бурнашева Ульяна Ивановна – Уйана «Сэттэ кут туруйа» (Кэптэни)
Эверстова Сайаана Дмитриевна «Аҕам аата» (Дьокуускай)
Васильева Нюрбина Егоровна (Мындааба)
С. Есенин «Белая береза» хоһоонун тылбаастааһын:
1 миэстэ – Попова Елизавета Михайловна (Чараҥ)
2 миэстэ – Местникова Надежда Алексеевна (Бороҕон)
3 миэстэ – Готовцева Татьяна Павловна (Танда)
Биһирэбил:
Комиссарова Валентина Иннокентьевна – Күлүмүрэ (Томпо)
Бурнашева Валентина Ивановна (Кэптэни)
Колодезникова Яна Егоровна (Танда)
Кэпсээн суруйуутугар:
1 м — Винокурова Мария Ивановна – Уйгулаах (Курбуһах)
2 м — Попов Иннокентий Петрович – Оҕуруоттаах (Суотту)
3 м — Кириллин Анатолий Гаврильевич – ДьолуКуус (Бороҕон)
Биһирэбил:
Матвеева Матрена Дмитриевна – Мотуо (Кэптэни)
