Айыылар орто дойдуга чугаһыыр алгыстаах Ыһыах күнүгэр, Байаҕантай нэһилиэгэр, Россия Үлэҕэ Дьоруойа Михаил Николаевич Готовцев 80 сааһыгар анаммыт үрүҥ тунах ыһыахха, Уус Алдан кииннэммит бибилэтиэкэ тиһигин үлэһиттэрэ М.П Заболоцкая, Р.К Колодезникова, Э.Ю. Егорова «Герой сулуһун суһума» кинигэнэн уонна хаартысканан быыстапканы туруоран ыһыах дьонугар, ыҥырыылаах ыалдьыттарыгар билиһиннэрдилэр. Үлэ киһитин уруйдуур үөрүүлээх тэрээһиҥҥэ М.Н.Готовцевы кытта бииргэ үөрэммит үөлээннээхтэрэ, «Мечта» ферма үлэһиттэрэ, Герой Егоров совхозка үлэлээбит ветераннар урукку кэмнэрин санатар хаартыскалары, ыстатыйалары көрөн долгуйдулар, үөрдүлэр.
