Бэйэтин кэмин сүдү киһитэ

Василий Васильевич Никифоров-Күлүмнүүр
төрөөбүтэ 160 сылыгар аналлаах онлайн-викторина

Тэрийээччилэр
С.С.Васильев-Борогонскай аатынан киин библиотека

Ыйытыылар

1.  1925 с. «Хозяйство Якутии» журнал 4-с нүөмэригэр Василий Васильевич уокурук статистикатыгар аналлаах ханнык ыстатыйата бэчээттэммитэй?
2. 2004 с. «Аһаҕас Россия» региональнай общественнай тэрилтэ 14 либеральнай лидердар тустарынан кинигэ таһаарбыта. Бу 14 киһи иһигэр биһиги В.В. Никифоров-Күлүмнүүрбүт баар. Бу ханнык кинигэний?
3.  Кини айбыт хас эмэ сүүһүнэн портреттарын төрөөбүт дойдутугар улуустааҕы история музейыгар бэлэхтээбитэ. Художник аатын ааттаа.
4. Советскай кэм биллиилээх общественнай-политическай, научнай деятеллэриттэн биирдэстэрэ, литературнай критик саха уус-уран литературата тоҕо хойутаан үөскээбит төрүөтүн ырытан Өксөкүлээх, Күлүмнүүр, Алампа, Кузьма Гаврилов айымньыларыгар сыана биэрбитэ. Кини кимий, кини туһунан өссө тугу этиэҥ этэй?
5.  Бу ким этиитэй? Этиини ситэрэн биэр. «Он был яркой личностью. В нем сочетался талант крупного ученого и политического борца, дипломата …»
6 В.В.Никифоров-Күлүмнүүр, В.Н. Ксенофонтов, Г.В. Никифоров-Манньыаттаах Уолун курдук үс сүдү саха дьонунан сирэйдээн билиҥҥи уонна ааспыт кэми, историяны ситимнээн Саха театрын сценатыгар таһаарбыт драматуру ааттаа.
7.Хаһан, тугунан сибээстээн Россия почтата В.В. Никифоровка анаан открытка таһаарбытай? Открытка художник-дизайнерын ааттаа.
8.В.В.Никифоров-Күлүмнүүр «Үйэ аҥарын устатыгар» («На протяжении полувека») диэн саха олоҕуттан автобиографическай очеркатын хас сааһыгар сылдьан суруйбутай, очерка хас түһүмэхтэн турарый уонна ханнык кэминэн түмүктэнэрий?
9.В.В.Никифоров-Күлүмнүүр аатынан СР Государственнай премиятын маҥнайгы лауреатын ааттаа.
10.                       Күлүмнүүр Убайбыат! Күн санаа Саарына!
                      Көлүөнэҥ дьонуттан ураты туспаҕын.
                      Уу баспыт харахтаах сахаҕыҥ аһынан,
                      Уоскуйбат охсуһууҥ дьолунан тупсаҕын.
                      …………………………………………………………….
                     Хорсуҥҥа, эрдээххэ холобур буолаҥҥын,
                     Хотойдоох очуостан ырааҕы көрөҕүн.
                     Урааҥхай дойдутун кустуктуу кууһаҥҥын,
                     Умнуллуу муоратын уҥуордаан көстөҕүн.
В.В. Никифоровка аналлаах поэма авторын ааттаа.

🔰 Викторина эппиэттэрин ыам ыйын 18 күнүгэр диэри obsl2023@mail.ru электроннай аадырыска күүтэбит.
🔰Викторина түмүгэ ыам ыйын 27 күнүгэр, библиотека күнүгэр тахсар.