Бүгүн, ыам ыйын 16 күнүгэр, Аан дойдутааҕы дьиэ-кэргэн күнүгэр аналлаах интэриэһинэй тэрээһин улуустааҕы киин библиотека ааҕар залыгар буолла. Бу «Үһүс саас» оскуола иһинэн үлэлиир «Академия вязания» кружок чилиэннэрин үлэлэрин маҥнайгы быыстапката, олохтоохторго анаммыт маастар-кылаас тэриллэн ыытыллыыта буолла. Манна Мүрү нэһилиэгин баһылыга П.Ф. Румянцев, Мүрү нэһилиэгин «Үһүс саас» оскуола салайааччыта В.М.Гоголева кыттыыны ыллылар, үтүө баҕа санааларын этэн эҕэрдэлээтилэр. Кружок 2017 с. улуус социальнай харысхалга киинин кытта биир ситимнээхтик үлэлиир. Бүгүҥҥү тэрээһиҥҥэ Мигалкина Г.П., Исакова Т В., Новгородова Т.В., Копырина О.В., Мигалкина А.Г., Румянцева К.А., Федорова Е.Е., Троева А.О., Копырина А.М., Олесова Р.Р. көрүөхтэн кэрэ, саҥа үлэлэрэ көрдөрүүгэ турдулар, кэлбит дьоннор ону сөҕө-махтайа көрдүлэр. Тэрээһини улуустааҕы «Үһүс саас» оскуола салайааччыта, Мындааба сынньалаҥ киинин уус-уран салайааччыта М.Г. Готовцева иилээн-саҕалаан ыытта.
О.Павлова.
