Ыам ыйын 26 күнүгэр, Саха Өрөспүүбүлүкэтигэр биллэриллибит култуура сылынан, бүтүн Арассыйатааҕы библиотека күнүн көрсө С.С.Васильев – Борогонскай аатынан киин библиотека ааҕар саалатыгар өрөспүүбүлүкэҕэ VIII төгүлүн ыытыллар «Кинигэ күүһэ” акция тэрилиннэ.
Гражданскай сэрии Геройа Г.В.Егоров аатын сүгэр Мүрү 1 № орто оскуолатын 10 «а» кылаас 9 үөрэнээччитигэр саха норуодунай суруйааччыта В.С.Яковлев – Далан «Дьикти саас» сэһэниттэн быһа тардыыны Мүрү нэһилиэгин баһылыга Прокопий Федотович Румянцев олус умсугутуулаахтык аахта. Акция кыттыылаахтарын Уус Алданнааҕы библиотека тиһигин дириэктэрэ Лена Семеновна Павлова эҕэрдэлээн туран, туоһу суруктары туттарда.
Түмүгэр тэрээһиҥҥэ мустубут оҕолор бэйэлэрин санааларын үллэстэн, сайыҥҥы сынньалаҥнарыгар «Дьикти саас» сэһэни ааҕар санаалара баһыйбытын, кэмиттэн тутулуга суох биир саастыылахтарыгар майгынныыр өрүттэри бэлиэтии көрбүттэрин ыйдылар. Ааҕыы – билии төрдө, өйү-санааны сайыннарар, саҥа саҕахтары арыйар модун күүс.
СилаКниги
