Саха суругун — бичигин төрүттээбит Семен Андреевич Новгородов быйыл төрөөбүтэ 132 сылын туолла.
Төрөөбүт тыл уонна сурук — бичик күнүгэр анаан, сылын аайы ыытыллар «ТАПТЫЫР САХАМ ТЫЛЫНАН…» өрөспүүбүлүкэтээҕи дьыктаан улуустааҕы түһүмэҕэ түмүктэннэ.
Манна улууспут 19 оскуолатыттан 523 үөрэнээччи кыттыыны ылла. Үөрэнээччилэр тургутук боппуруостарга эппиэттээн, бэриллибит тиэмэ ис хоьоонун суолтатын арыйар үлэ суруйдулар.
Өрөспүүбүлүкэтээҕи дьыктаан 3 — 4, 5 — 6, 7 — 8 кылаастары хабан бөлөҕүнэн ыытылынна.
Түмүккэ, улуус иһинэн бөлөхтөр аайы биирдии кыайыылаах аата билиннэ:
3 — 4 кылаас үөрэнээччилэрин ортотугар, Петров Виталий, 3 кылаас, Тумул орто оскуолатын үөрэнээччитэ.,
5 — 6 кылаас үөрэнээччилэрин икки ардыларыгар Алексеева Лиля, 5 «а» кылаас, Мүрү #1- дээх орто оскуолата,.
7 — 8 кылаас үөрэнээччилэрин ортотугар До Карина, VIII «б» кылаас, Мүрү # 2 орто оскуолатын үөрэнээччитин аата ааттанна. Оҕолор үлэлэрэ салгыы өрөспүүбүлүкэтээҕи дьыктааҥҥа киирсэр быраабы ылыаҕа.
Төрөөбүт тыл күнүгэр анаан ыытыллыбыт тэрээһиҥҥэ нэһилиэк, оскуола библиотекардарыгар, учууталларга , оҕолорго махталбытын тиэрдэбит.
Тыл баар омук тыына, омук баайа…
Ийэ тылбытынан ыраастык саҥарыах, сахалыы саҥабыт, сурукпут — бичикпит сайдан иһиэхтин !
Ааҕар киһи — билиилээх
Билиилээх киһи — сайдыылаах
Сайдыылаах киһи — ситиһиилээх !
Улуустааҕы оҕо библиотеката
