Олоҕум икки бэлиэ кэрдиис кэмэ Уус Алданы кытта сибээстээҕинэн киэн тутта, астына саныыбын. “Кимтэн кииннээххин, хантан хааннааххын?” – диэн ыйыттахтарына, “Аҥаарым Уус Алдан” диэн өрүү эмиэ күөн туттан хардарабын. Ийэм Любовь Васильевна Өлтөх нэһилиэгин сэттэ оҕолоох Местниковтарын улахан оҕолоро этэ. Учууталлыы сылдьан, Сунтаартан кэлэн үлэлиир биэлсэр Петр Коротовка кэргэн тахсан, Олоҥхо дойдутугар олохсуйбуттара. Инньэ гынан, мин чуумпу Бүлүү кытылыгар күн сирин көрбүтүм.

Сэтинньи 30 күнүгэр улуустааҕы С.С. Васильев-Борогонскай аатынан Киин библиотекаҕа Саха АССР тэриллибитэ 100 сылынан уонна СР профсойуус үлэһитин күнүгэр аналлаах ыччаттарга квест - оонньуу ыытылынна. Оонньуу улуус профсойуустарын сүрүннүүр сэбиэтин көҕүлээһининэн үөрэх, эмп, култуура ыччаттарын түмтэ. Биэс хатыһыылаах түһүмэҕи ааһан "Победа" хамаанда кыайыылааҕынан таҕыста.

Оҕоҕо аналлаах кинигэ ааптардарыгар, кинигэни оҥорон таһаарааччыларга СӨ Национальнай библиотеката тэрийиитинэн ыытыллар норуоттар икки ардыларынааҕы "Белый мир Арктики через призмы детской книги" 2-с күрэҕэ түмүктэннэ.
Күрэс 9-с көрүҥҥэ ыытылынна. "Арктика уонна Хотугу дойду туһунан бастыҥ уус - уран айымньы" көрүҥҥэ биир дойдулаахпыт, суруйааччы, суруналыыс Иннокентий Сыроватскай - Дүөндүн "Бэйэм ааҕарым үчүгэйиэн" кинигэтэ кыайыылааҕынан таҕыста.