Кулун тутар 5 күнүгэр Саха Сирин үрдүнэн норуот маастарын күнэ бэлиэтэнэр. Бу бэлиэ күн 2012 сыллаахтан Ил Дархан ыйааҕынан, Саха сирин норуоттарын уус-уран оҥоһуктарын, искусстволарын араҥаччылыыр, сөргүтэр, сайыннарар сыаллаах, норуот маастардарын, уран тарбахтаахтарын өйүүр инниттэн олохтоммута.
Улуустааҕы кииннэммит библиотека тиһигин электроннай фондатыттан уран тарбахтаах, мындыр дьоммут туһунан подборканы көрөргүтүгэр ыҥырабыт:
Культура-Искусство-Төрүт культура (электроннай библиотекаттан анал подборка) - https://clck.ru/39DXGx ;

Кулун тутар 1 күнүгэр, С.С.Васильев-Борогонскай аатынан улуустааҕы киин библиотекаҕа, Лаврентий Иванович Новогодин 80 сааһын көрсө, "Дьыалабыай оонньуу" ыытылынна. Тэрээһини Лаврентий Иванович кэргэнэ уонна оҕолоро, ону тэҥэ киин библиотека коллектива тэрийэн ыыттылар. Оонньууга барыта 22 улууспут чаҕылхай ыччата кыттыыны ылла, 7 хамаандаҕа арахсан бэйэлэрин бырайыактарын дьүүллүүр сүбэ иннигэр көмүскээтилэр.

Баатаҕай нэһилиэгин аҕа баһылыга Белолюбскай Михаил Михайлович саха суруйааччыларын айымньыларын, ааспыт история чахчыларын сөбүлээн ааҕарын туһунан эттэ, онуоха Иван Андросов-Айанньыт "Тумаҥҥа симэлийбиттэр" 4 олуктаах романын ааҕаргытыгар сүбэлиир, ыҥырар. Михаил Михайлович "Библиотека - норуот нэһилиэстибэтин сырдатааччы" буоларын бары өйдүөхтээхпит диэн бэлиэтээтэ. Кинигэни ааҕыҥ, библиотекаҕа сылдьыҥ! #кинигэситиһииуоннасайдыытөрдө