Ыам ыйын 18 күнүгэр В.В. Никифоров - Күлүмнүүр төрөөбүтэ 155 сылын көрсөр үлэ былаанын сүрүннүүр "Санаабытын салайыаҕыҥ, сайдыы суолун тутуоҕуҥ!" диспут биэс түһүмэҕэр толкуйдаах ырытыһыы, кэскиллээх кэпсэтии ыытылынна, инники былаан туруоруллунна. Диспут боппуруоһун ырытыыга туһаайан кыттыыны ыллылар: аймахтарыттан СР, РФ суруналыыстарын союһун чилиэнэ А.И. Сивцева, олохтоох библиотекарь П.И. Сивцева, оскуола директорын үөрэх чааһыгар солбуйааччы Нь.А. Сивцева, "Дүөндү" СК уус - уран салайааччыта В.И. Соловьева уонна кыраайы үөрэтэр музей салайааччыта эдэр кэскиллээх учуутал О.А. Неустроева.

Олохтоох библиотека тэрийиитинэн нэһилиэк тэрилтэлэринэн "Своя игра" интеллектуальнай оонньуу ыытылынна.

Манна В.В. Никифоров олоҕор, үлэтигэр сыһыаннаах ыйытыыларга тыҥааһыннаах күрэх ыытылынна. Талан ылбыт боппуруостарыгар таба хоруйдары биэрэн Күлүмнүүр уонна саха суруйааччыларын тематынан хаһыс да сылын ситимнээхтик дьарыктанан, оҕолору иитэр "Кэскил" детсад хамаандата бастакы миэстэни ситистэ, иккис миэстэҕэ олох кыранан Дүпсүн оскуолатын хамаандата уонна үһүс миэстэҕэ "Сардаҥа" детсад хамаандата таҕыстылар. Оонньуу олус таһымнаахтык оҥоһуллубутун бэлиэтээтилэр.

Бээди бөһүөлэгэр бу күн биир дойдулаахпыт, бөдөҥ общественнай - государственнай деятель В.В. Никифоров – Күлүмнүүр төрөөбүтэ 152 сылынан уонна норуоттар икки ардыларынааҕы музей күннэригэр аналлаах библионочь ыытылынна.

"Үтүө аат өлбөөдүйбэт" кинигэ выставкатын туһунан информация оҥордо олохтоох библиотекарь Е.З. Шергина.

Хамаанданан оонньууга В.В. Никифоров - Күлүмнүүр олоҕуттан ыйытыктарга оҕолор элбэҕи билэллэрин, анаан үөрэтэллэрин көрдөрдүлэр. Ордук 6 кылаас үөрэнээччилэрэ Джессика Алексеева уонна Дарьянна Лугинова Күлүмнүүр туһунан элбэҕи билэллэрин, уерэтэллэрин бигэргэттилэр.

Түмүккэ бары кыттыбыт оҕолорго сертификат, анал бириистэр туттарылыннылар.