Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

СР Национальнай библиотекатын Оҕо уонна Ыччат киинэ иккис сылын Саха Республикатын күнүн көрсө « Саха сирин символлара » бүтүн республикатааҕы историяҕа , географияҕа билиини тургутар олимпиаданы ыытар. Биһиги улууспутугар олимпиаданы кииннэммит библиотека тиһигин Оҕо библиотеката иилээн-саҕалаан тэрийдэ. Олимпиадаҕа тиһик библиотекалара көхтөөхтүк кытыннылар.

Тэрээһин буолуон иннинэ библиотекардар оскуолаларга библиотечнай уруоктары, бэсиэдэлэри ыыттылар. Викторина түмүгүнэн талыллыбыт оҕолор олимпиадаҕа кыттар кыаҕы ыллылар. Олимпиада 9 боппуруостаах буолла, ону таһынан саастарынан арааран эссе суруйар сорудахтаах: 8-10 саастаахтарга «Ил Дархаҥҥа сурук», 11-14 саастаахтарга «Мин Ил Дархан эбитим буоллар» диэн темаларга. Быйылгы олимпиада муус устар 25 күнүгэр ыытылынна. Улуус үрдүнэн 14 оскуолаттан талыллан 206 үлэ дьүүллүүр сүбэ көрүүтүгэр киирдэ. Улууска ыытыллыбыт олимпиада түмүгүнэн 2 бастыҥ үлэ республика таһымыгар кыттыыны ыла барыахтаах.