Переключить для слабовидящих

"Сыл кэрэһитэ"

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 
Опубликовано: 22.01.2018

Саҥа сыл сонуна  салҕанар!

         Улуустааҕы оҕо библиотеката сылын аайы кыһыҥҥы сынньалаҥҥа оҕолорго араас тэрээһиннэри ыытар. Үүммүт саҥа 2018 - Ыт сылын көрсө, уһуйаан иитиллээччилэригэр, оскуола оҕолоругар анаан  «Сыл кэрэҺитэ» диэн ааттаах ыт оҥоһугу оҥорууга куонкурус, «Ыт - киһи доҕоро» викторина ыытылынна.

          Ыт – киһи доҕоро диэн мээнэҕэ эппэттэр. Дьиэ кыылларыттан киһиэхэ саамай истиҥ доҕор ыт буолар. Ыт булка-алка, үлэҕэ-хамнаска киһини кытта тэбис-тэҥҥэ сылдьыһар доҕор буолар. Сыл кэрэһитин оҥоруу куонкурсугар улуустан барыта 93 оҕо кыттыыны ылла.Уһуйааннар ортолоругар көхтөөхтүк “Мичил”, ”Кэскил”, ”Күнчээнэ” (Мындааба), ”Чуораанчык” (Майаҕас) уһуйаан иитиллээччилэрэ төрөппүттэрин кытары оҥоһуктарынан кытыннылар. Кыттааччылар сыл хаһаайынын араас матырыйаалтан, киһини сөхтөрөр, киһи хараҕын тардар гына сиэдэрэйдик, тупсаҕайдык оҥорбуттар. Манна бааллар: харыйа лабаатыттан оҥоһуллубут, мастан кыһыллыбыт ыттар, кумааҕыттан, пластиктан, араас курупаттан, баайыы саптан кырыллыбыт, өҥнөөх фетртан о.д.а. оҥоһуктар. Түмүктүүр тэрээһин, кыайыылаахтары, кыттыбыт оҕолору чиэстээһин оҕо библиотекатын ааҕар саалатыгар буолла. Биир умнуллубат түгэнинэн улуустааҕы “Умсулҕан” коллекционердар түмсүүлэрин чилиэнэ , Анна Михайловна Федорова кинигэлээх  аанньалларын, саҥа дьыл тематыгар значоктарын, статуэткаларын,открыткаларын быыстапкатын билиһиннэриитэ киэҥ сэҥээриини тарта, оҕолор сэргээн көрдүлэр-иһиттилэр.

 Уһуйаан иитиллээччилэрин ортолоругар кыайыылааҕынан «Күнчээнэ» уһуйаан иитиллээччитэ Тарская Ксюша (Мындааба) буолла,  “Көрөөччүлэр биһирэбиллэрэ» анал бириискэ "Күнчээнэ" уһуйаан иитиллээччитэ Тарскай Вадим тигистэ.Бириистээх миэстэлэргэ : Васильева Виолетта (“Күнчээнэ” уһуйаан), Тарская Сахалена (6 сааст,”Чэчир” уһуйаан, Бэйдиҥэ),Рощина Сара( “Күнчээнэ”  уһуйаан), Лукачевская Ванесса (бэлэмнэнии бөлөх, ”Кэскил” уһуйаан), Черноградский Сеня (“Мичил” уһуйаан). Оскуола оҕолорун ортотугар кыайыылааҕынан Ильин Айсен (4 “в” кылаас, Мүрү № 2), «Көрөөччүлэр биһирэбиллэрэ”  бирииһи Дмитриева Динара 8 кылаас (Чэриктэй орто оскуолата), “Литературнай герой” анал аатынан Шарин Борис(10 кылаас, Орто-Эбэтээҕи анал коррекционнай оскуола), бириистээх миэстэнэн бэлиэтэннилэр: Бочкарева Амелия (1 кылаас, Мүрү №2 оскуола), Нафанаилова Анжелина-Айыына (2 кылаас, Мүрү №2 оскуола).

          Ыт туһунан викторина боппуруостарын аныгы үйэ  ситиминэн эппиэттээн  ыытыыга 36 оҕо кыттыыны ылла. Кыайыылааҕынан  Орто-Эбэтээҕи  анал коррекционнай оскуола 7 кылааһын үөрэнээччитэ Герасимов Айтал кыайыылааҕынан таҕыста. Бириистээх миэстэлэргэ  Габышева Лада (7 кылаас, Бэйдиҥэ орто оскуолата ) ,Ширяева Кристина (5 кыл,Сыырдаах орто оскуолата), Слепцова Алена (8 кыл, Дүпсүн орто оскуолата), Ущницкая Виолетта (3 кылаас, Дьокуускай. к.) Куонкурустарга кыттыбыт оҕолор грамотанан, сертификаттарынан, бэлэхтэринэн наҕараадаланнылар.Эһиил да маннык куонкурустар ыытылла турдуннар диэн санаалаах кыттааччылар бу тэрээһини өйөөн,бириистэри олохтообут улуустааҕы библиотека директора (сал: Окоемова В.Н),  “Россия ийэлэрэ” общественнай хамсааһын (сал: Федотова М.Ф.) махтанан, саҥа сылга бэлэх ылан үөрэн-көтөн,дуоһуйан тарҕастылар.

Просмотров: 571

Контактная информация

Контактная информация

 Адрес: 678350, Республика Саха (Якутия),

Усть-Алданский улус, с.Борогонцы

ул. В.В.Румянцева 12.

Конт.тел: 8-411-61-41-231

Факс: 8-411-61-41-342

E-mail: uacbsbor@mail.ru

техподдержка:

uacbsborsupp@gmail.com

Яндекс.Метрика

 

Наши партнеры

h400     Flag of Ust-Aldansky rayon      uakultur
 
neb