Василий Иванович Босиков – Босяк төрөөбүтэ 75 сылыгар аналлаах тэрээһин

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Тэрээһиммит ыалдьыттарынан буоллулар: поэт Василий Иванович кыыһа, Саха-политехническай лицей саха тылын уонна литературатын учуутала Заболоцкая Ульяна Васильевна, Уус Алдан улууһун дьаһалтатын баһылыгын солбуйааччы Борисов Михаил Васильевич, олоҥхону үөрэтээччи, фольклорист, тыл үөрэҕин билимин доктора, профессор, Саха республикатын билимин үтүөлээх деятелэ, Российскай Федерация үрдүк үөрэхтээhинин бочуоттаах үлэhитэ Илларионов Василий Васильевич, билэлиэгийэ билимин доктора, профессор, РФ педагогическай уонна социальнай билимнэрин академиятын дьиҥнээх чилиэнэ, CӨ билимин үтүөлээх үлэһитэ Филиппов Гаврил Гаврильевич, Саха сирин суруйааччыларын бырабылыанньатын председателин солбуйааччыта, “Полярная звезда” сурунаал кылаабынай редактора Владислав Семенович Доллонов уонна улуустааҕы култуура управлениетын солбуйар начальнига Лена Семеновна Павлова, улуустааҕы кииннэммит библиотека тиһигин директора Варвара Николаевна Окоемова, Дүпсүн нэһилиэгин баһылыга Николай Николаевич Сивцев, общественность, литератураны сэҥээрээччилэр.

Тэрээһиҥҥэ поэт Василий Иванович Босиков – Босяк олоҕун, айар үлэтин, учуутал быһыытынан ураты талаанын бииргэ үөрэммит доҕотторо, биир идэлээхтэрэ, аймахтара истиҥник ахтан-санаан аастылар. Тэрээһин хаамыытынан поэт төрөөбүт дойдутуттан, Дүпсүн олохтоох модельнай, оскуола библиотекалара киэҥ быыстапканы билиһиннэрдилэр, үөлээннээхтэрин ахтыылара ураты миэстэни ылла. Улуустааҕы хоһоон күрэһин кыттыылаахтарын ааҕыыларын иһиттибит. Уопсайа бу куйаар ситиминэн тэрээһиҥҥэ 55 киһи кыттыыны ылла. Түмүккэ инникитин да поэт Василий Иванович Босиков – Босяк сырдык аатын үйэтитиигэ үлэлэр маннык ыытылла, үөрэтиллэ туралларыгар баҕардылар.

Олунньу 1-10 күннэригэр Василий Босиков - Босяк хоһоонноругар улуустааҕы дорҕоонноох ааҕыы ыытылынна. Барыта 26 улахан киһи, 18 оскуола оҕото көхтөөхтүк кытыннылар.

Ол курдук, эр дьоҥҥо: I миэстэ – Бурцев Афанасий Петрович (Хоро), II миэстэ – Атласов Роман Иванович(Окоемовка), III миэстэ – Гоголев Капитон Гаврильевич (Мүрү), III миэстэ – Кудрин Гаврил Гаврильевич (Дүпсүн); дьахталларга: I миэстэ – Баишева Тамара Васильевна(Курбуһах), II миэстэ – Стручкова Ньургуйаана Валентиновна (Бээди), III миэстэ – Соловьева Пелагея Васильевна (Дүпсүн), III миэстэ – Иванова Ирина Николаевна (Мындааба), биһирэбил – Копырина Марина Романовна (Майаҕас), Петухова Наталья Сергеевна(Тумул), Попова Елизавета Михайловна(Хоро); оҕолорго: I миэстэ – Соловьева Василина (10 кылаас, Өспөх), II миэстэ – Черкашин Артем (9 кылаас, Хоноҕор), III миэстэ – Заровняева Алина – (11 кылаас, Лөгөй), биһирэбил – Колодезникова Муся (10 кылаас, Сыырдаах), Потапова Диана (10 кылаас, Дүпсүн).

Маны таһынан улуус үрдүнэн Василий Иванович Босиков – Босяк “Күүстээхпин ийэ тылбынан” хоһоонун биир кэлим күргүөмүнэн ааҕыы буола турар. Бу акцияҕа улуус тэрилтэлэрэ, оскуолалара көхтөөхтүк кытыннылар.      

Үтүмэн үгүс үйэлэр

Үтүргэннэрин уйан,

Үүнэ-сайда туруохтун

Аптаах сахам тыла – диэн поэт эппитинии сахабыт тыла инникилээх буолуохтун, сахабыт тылын таптыаҕыҥ!