Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна

    Кинигэ туһунан маннык сыаналаах быһаарыыны биэрбиттэрэ: «Кинигэ – биир көлүөнэ атын көлүөнэҕэ хаалларар духовнай кэриэһэ... Кинигэ-биһиги билиҥҥи эйгэни баһылааһыҥҥа киирэр докумуоммут, кини кэлэр кэм программата». Кинигэни дьаныһан ааҕарга үөрэтии-олох олорорго үөрэтии буолар. Кинигэ эйгэтигэр айан дьиэ кэргэнтэн саҕаланар . «Ийэм уонна мин - ааҕар дьиэ кэргэн» диэн улуустааҕы ааҕыы конкурсун улуустааҕы кииннэммит библиотека тиһигэ (сал:Окоёмова В.Н), ”Матери России” общественнай хамсааһын, улуустааҕы оҕо библиотеката тэрийэн ыыттылар. «Ийэм уонна мин - ааҕар дьиэ кэргэн» диэн улуустааҕы ааҕыы конкурс сыалынан-соругунан буолар: Ааҕыы көмөтүнэн оҕо уонна төрөппүтсыһыаннарыгар өйдөһүүнү олохсутуу, ааҕыыга интэриэһи үөскэтии, ааҕар дьиэ кэргэни өйөөһүн. Конкурс 4 түһүмэҕинэн ыытылынна. 11 библиотекаттан 22 ааҕааччы кытынна.

  1. Дьиэ кэргэн ааҕыытын туһунан видеоролик уонна сөбүлүүр кинигэ уонна герой туһунан презентация.
  2. Хоһоону дорҕоонноохтук өйтөн ааҕыы.
  3. «Аах.Бил.Таай“ кыттааччылар литературнай ыйытыыга хоруйдууллар ( саха ,нуучча, омук суруйааччыларын айымньыларыгар сыһыаннаах ыйытыктарга эппиэттээтилэр).
  4. Бэйэбит кинигэ оҥоробут (Лэпбук). Эрдэттэн бэриллибит дьиэтээҕи сорудаҕынан кинигэ (лэпбук) оҥорон аҕалбыттара.

    Конкурса  улууспут 11 нэһилиэгиттэн  ийэлээх оҕо кыттыыны ыллылар, бу кыттыбыт дьиэ кэргэн нэһилиэк саамай бастыҥ көхтөөх ааҕааччылара, библиотекардар тумус туттар дьиэ кэргэттэрэ кыттан конкурсу өссө ордук тыҥааһыннаан биэрдилэр.

    Түмүккэ 1 миэстэҕэ Өспөх нэһилиэгиттэн, Өспөх орто оскуолатын сэкиритээрэ Готовцева Диана Петровна кыыһынаан,4 кылаас үөрэнээччитинээн Лариналыын , 2 миэстэни Найахы нэһилиэгиттэн  тыа хаһаайыстыбатын специалиһа  Владилена Васильевна уонна Виолетта Колесовалар (1 кылаас), 3 миэстэни Бороҕон нэһилиэгиттэн Тумул орто оскуолатын  учуутала Алексеева Любовь Афанасьевна  уолунаан  4 кыл.үөрэнээччитинээн Прокопийдыын ылан үөрдүлэр-көттүлэр. Дьиэтээҕи сорудахха ,бэйэ кинигэтин оҥорууга сүрдээх тупсаҕайдык, Арыылаахтан  Константинова Христина Алексеевна оҥорон аҕалан кыайыылааҕынан таҕыста. Кыайыылаахтар сыаналаах бириистэринэн, грамоталарынан наҕараадаланнылар.