Экология сылын  биир бэлиэ тэрээһининэн кииннэммит библиотека тиһигин библиотекаларын икки ардыгар көрүү -конкурс буолар. Көрүү-конкурс икки түһүмэхтээх. Сыала -соруга: библиотекалар экологическай информация быһыытынан кыахтарын арыйыы, библиотекардар профессиональнай таһымнарын үрдэтии, айар дьоҕурдарын көҕүлээһин. Көрүү-конкурс      I түһүмэҕэ - «Төрөөбүт түөлбэбит ытык кэрэ сирдэрэ» экологическай ааҕыылар сэтинньи 22- 30 күннэригэр анал графигынан улууспут 6 бөһүөлэгэр ситиһиилээхтик буолан аастылар. Ирдэбил быһыытынан хас биирдии библиотека икки кыттааччыны: оҕону уонна улахан киһини бэлэмниир. Кииннэммит тиһик 27 библиотекара конкурска ох курдук оҥостон-тэринэн, нэһилиэктэрин ытык –мааны сирдэрин туһунан үөрэтэн, чинчийэн сүрдээх дириҥ, сороҕор олус сонун ис хоһоонноох иһитиннэриилэри бэлэмнээн ааҕааччыларын кытыннарбыттара  дьүүллүүр сүбэни кэрэхсэттэ. Конкурс уопсай түмүгүн II - рекомендательнай испииһэги бэлэмнээн оҥоруу түһүмэҕэ быһаарыаҕа. Коллегаларбытыгар бу тыҥааһыннаах күрэххэ ситиһиилэри баҕарабыт.