Улууска Хомус дьыктаана ыытылынна

Рейтинг:  5 / 5

Звезда активнаЗвезда активнаЗвезда активнаЗвезда активнаЗвезда активна
 

Быйыл, сэтинньи ыйга, Сахабыт Сиригэр Аан дойду норуоттарын хомуһун Музейын уонна Киинин(Ил Хомус) тэрийиитинэн аан бастаан Хомус дьыктаана буолан ааста.

Дьыктааны ыытыы сыала –соруга: хомуска нэһилиэнньэ киэҥ араҥатын болҕомтотун туһаайыы, интириэһин тардыы буолар. Дьыктаан тест быһыытынан ыытылынна. Барыта 25 ыйытыктаах тесты Ил Хомус үлэһиттэрэ уонна Аан додйтааҕы хомус Киинин Президена, профессор Иван Алексеев –Хомус Уйбаан оҥордулар.

Дьыктаан улуустарынан сэтинньи ый 30 күнүттэн саҕалаан ыытылынна. Биһиги улууспутугар акцияны культура управлениетын салалтатынан 21 нэһилиэккэ сынньалаҥ дьиэлэрэ, библиотекалар тэрийэн ыыттылар. Нэһилиэнньэ буоларын курдук, бу да сырыыга Хомус дьыктааныгар көхтөөхтүк кытынна. Барыта 21 нэһилиэккэ 23 былаһаакка тэрилиннэ, онно 564 киһи кэлэн дьыктааны суруйда. Дьыктаан түмүгүн ырыҥалыыр буоллахха, нэһилиэнньэ Хомус туһунан билиитин ортонон сыаналыахха сөп. Саамай үрдүк 21 - 25 бааллаах билиини 9 киһи көрдөрдө.

Дьыктааҥҥа көхтөөхтүк кыттыбыт биир дойдулаахтарбытыгар тэрийээччилэр ааттарыттан махтанабыт, инникитин да өрүү көхтөөхтүк маннык акциялары өйүөххүт диэн эрэнэбит. Бэйэҕит түмүккүтүн uakultura.ru аадырыһынан улуустааҕы культура управлениетын саайтыгар киирэн билсиэххитин сөп диэн биллэрэбит.

Федорова Февронья, улуустааҕы кииннэммит тиһик методиһа

Федорова Февронья, улуустааҕы кииннэммит тиһик методиһа Материал был скопирован с сайта МБУ Усть-Алданское управление культуры: https://uakultura.ru/?p=3586#more-3586
Составляли тест сотрудники Музея и Центра хомуса народов мира при участии президента Международного центра хомусной (trump) музыки профессора Ивана Алексеева – Хомус Уйбаана. Источник © Yakutia-Daily.ru Ссылка: https://yakutia-daily.ru/organizatory-raskryli-nyuansy-homusnogo-diktanta-kotoryj-projdet-2-noyabrya/