“МИН СУРЭХПИНЭН КӨРӨБҮН”

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Сэтинньи 13 күнүгэр улуустааҕы киин библиотекаҕа Аан дойдутааҕы “Белая трость” акция чэрчитинэн “Мин сүрэхпинэн көрөбүн” диэн тэрээһин буолан ааста. Манна Мүрү, Курбуһах, I Хоро нэһилиэктэриттэн уонна Курбуһахтааҕы интернат дьиэтиттэн кэлэн кыттыыны ыллылар. Тэрээһин бастакы чааһыгар пенсионнай сулууспаттан салайааччы Р.М.Белолюбскай, социальнай управлениеттан начальник солбуйааччыта Е.Е.Кривошапкина общество чилиэннэригэр сокуоҥҥа туох саҥа уларыйыылар киирбиттэрин билиһиннэрдилэр, ыйытыктарыгар хоруйдаатылар.

Тэрээһин үөрүүлээх чааһынан киин библиотека ааҕар саалатыгар бэлэх быһыытынан бэриллибит стационарнай электроннай видеоувеличитель сүрэхтэниитэ буолла. Бу видеоувеличителинэн мөлтөхтүк көрөр киһи кэлэн манна олорон эрэн хаһыат, сурунаал, кинигэ көрүөн, ааҕыан сөп. Онон бу саамай туһалаах, наадалаах оборудование буолар.

Салгыы кэлбит ыалдьыттарга улуустааҕы көрбөттөр обществолара уонна библиотека кыттыгас тэрээһиннэрэ ыытылыннылар. Ол курдук айар үлэҕэ, уруһуйга, инсценировкаҕа конкурстар, хабылыкка, мээчиги быраҕыыга, дартска күрэхтэр буоллулар. Общество көхтөөх чилиэннэрэ Портнягина Р.П., Васильева А.С., Данилова М.Н. оҥоһуктарын, коллекцияларын аҕалан туруордулар.

Түмүккэ кэлбит ыалдьыттар бары миэстэлэһэн бириистээх миэстэҕэ тиксэннэр үөрэн-көтөн тарҕастылар.    

Кылаабынай библиотекарь Татьяна Бурцева