Биир дойдулаахпыт саха биллиилээх поэта, республика таһымнаах бөдөҥ салайааччы, общественнай деятель, П.А. Ойуунускай аат. государственнай бириэмийэ лауреата С.С. Васильев - Борогонскай балаҕан ыйын 25 күнүгэр төрөөбүт күнэ. Бу бэлиэ күҥҥэ анаан Суотту олохтоох библиотекатыгар Суотту орто оскуолатын үөрэнээччилэригэр анаан "Биһиги Сэргэйбит" литература күнэ ыытылынна. Олохтоох библиотека үлэһитэ Черкашина Р.Н., национальнай культура учуутала Копырина А.И. оҕолорго биллиилээх биир дойдулаахпыт олоҕун, үлэтин биллэрэр, айымньыларынан умсугутар сыаллаах бу тэрээһини сэргэхтик ыыттылар.

Тэрээһин профессиональнай үөрэхтээһин ветерана, Суотту нэһилиэгин Бочуоттаах олохтооҕо Федоров С.Д. С. Васильев төрдүн ууһун туһунан умсугутуулаах кэпсээниттэн саҕаланна, Серафим Данилович поэт Н.Н. Окоемовка анаабыт хоһоонун өйтөн аахта.

Салгыы 7 кл үөрэнээччитэ С. Васильев хос сиэнэ Айысхана Васильева Сахаяна Ермолаева хоһоонун долгутуулаахтык толордо.

Оҕолор поэт олоҕун, айар үлэтин кытта ыкса билистилэр, "Улуу Ленам" хоһоонун өйтөн аахтылар, бириистээх викторинаҕа көхтөөхтүк оонньоотулар. Поэт хоһоонноро ааҕылыннылар.

Түмүккэ бары бииргэ "Дьон норуот сааскыта" ырыаны толордулар.

Сергей Степанович Васильев - Борогонскай төрөөбүт күнүнэн Уус Алданнааҕы техникум үөрэнээччилэригэр С. Васильев аатын сүгэр Хоноҕор сүрүн оскуолатыгар уонна С. Васильев музей дьиэтигэр экскурсия-урок, иһитиннэрии ыыттылар, С Васильев Сахам сиринии хоһоонун күргүөмүнэн аахтылар.

Баатаҕай олохтоох библиотекатыгар С.С. Васильев - Борогонскай төрөөбүт күнүгэр аналлаах "Кэрэҕэ угуйар поэзия" диэн темалаах бэсиэдэ, выставканы билиһиннэрии, биирдиилээн поэт хоһооннорун ааҕыы ыытылынна.