Улуу Кыайыы 74 сылын чэрчитинэн ыытыллар бары тэрээһиннэргэ улуус библиотекалара кѳхтѳѳхтүк кытталлар. Саха норуота Улуу Кыайыы туһугар киллэрбит кылаатын үйэтитэр сыаллаах кылаас чаастарын, бэсиэдэлэри, кинигэ быыстапкалара, тематическай биэчэрдэри тэрийэн ыыттылар.
Быйыл, кииннэммит библиотека тиһигэ үтүө үгэс буолбут биир кэлим ааҕыылар акцияларын улуус үрдүнэн ыытта. Народнай поэт, оҕо суруйааччыта, публицист, тылбаасчыт Иван Васильевич Мигалкин 65 сааһын көрсө кини "Күүтүүлээх Кыайыыны уһансан" диэн хоһоонун 26 библиотека тэрийэн ыытта.
Улуу Кыайыы күнэ. Киһи аймах өрөгөйүн үрдэппит, олоҕу туругурдубут Кыайыы күнэ! Бу күн биһиги бука бары эйэлээх халлаан анныгар кыайыыны уһансыбыт, сэриигэ геруойдуу охтубут, сураҕа суох сүппүт аҕаларбытын, эһээлэрбитин, убаайдарбытын кэриэстээн, кинилэргэ махталбыт, сүгүрүйүүбүт бэлиэтэ — мэтириэттэрин киэн тутта күөрэччи көтөҕөн, холуонналарынан хаамтыбыт.
“Өлбөт үйэлээх полк” хаамыыта олус улахан суолталаах тэрээһин. Акцияҕа күөрэччи көтөҕүллэр хас биирдии буойун хаартыската – хас биирдии дьиэ кэргэн, халыҥ аймах, бүтүн дойду дириҥ историята буолар.
Улуустааҕы С.С.Васильев – Борогонскай аатынан киин библиотека ыам ыйын 7 күнүгэр Мүрү 1 нүѳмэрдээх орто оскуолатын 9 «б» кылааһын үѳрэнээччилэригэр Улуу Кыайыыны кѳрсѳ «Я помню, я горжусь!» тэрээһини тэрийэн ыытта. Ыытааччы - Татьяна Дмитриевна Бурцева. Дьүүллүүр сүбэ – Сардана Михайловна Черкашина, Тамара Гаврильевна Орлова.
Найахы библиотекатын сэб. Готовцева А.С. оскуола оҕолоругар экскурсия, урок мужества, беседа, викторина тэрийэн ыытта.
Бороҕон нэһилиэгэр Улуу Кыайыы ѳрѳгѳйдѳѳх күнүн кѳрсѳ үгүс тэрээһиннэр буоллулар. Биир дойдулаахпыт норуодунай суруйааччы Иван Мигалкин "Күүтүүлээх Кыайыыны уһансан" хоһоонун күргүѳмүнэн тэрилтэлэринэн аахтылар, тэрилтэлэринэн, түѳлбэлэринэн военизированнай күрэхтэр ыытылыннылар. "Тумулчаана" детсад коллективыгар, иитиллээччилэригэр нэһилиэкпит бэтэрээннэрин сырдатан бэсиэдэ, кинигэ обзора ыытылынна, оскуола алын сүһүѳх кылаастарыгар библиотечнай уруоктар, ветераннары кытта кѳрсүһүүлэр ыытылыннылар, улахан оҕолорго викториналар, кинигэ быыстапкалара кѳрдѳрүлүннэ. Сыл аайы оскуола иһинэн "Умайар сулус буолан" ветераннар ааттарыгар декада, военизированнай эстафета, видеоролик, хоһоон ааҕыытыгар күрэх ыытыллар. Күрэх түмүгүнэн сэрии, тыыл ветераннарын оҕолоро приз туруораллар. Ол курдук сыл аайы спонсорствоҕа кыттыһан тѳрѳппүттэр, нэһилиэк бочуоттаах олохтоохторо, тыыл— педагогическай үлэ ветераннара Александра Ивановна, Александр Семенович Бурцевтар сырдык ааттарыгар приз олохтууллар. Нэһилиэк кырдьаҕас бастыҥ ааҕааччытыгар, тыыл ветераныгар Турантаева Анна Дмитриевнаҕа, кыайыы күнүн кѳрсѳ дьиэтигэр сылдьан сэмэй бэлэх туттарда. "Түмсүү" сынньалаҥ киинин кытта кыттыһан, улууска Геройдар сылларынан, биир дойдулаахпыт, бѳдѳҥ общественнай деятель Сэһэн—Ардьакыап—280сылынан "ТОК" курэҕи нэһилиэк тэрилтэлэригэр ыыттылар. Ол курдук кыра тэрилтэлэр холбоһон, уопсайа 6 хамаанда кииристэ. Администрация, балыыһа, ЖКХ, оскуола, тыа хаһаайыстыбата, детсад коллективтара, алта түһүмэххэ тыҥааһыннаахтык киирсэн, олус кѳхтѳѳхтүк кытыннылар. Финалга үс үрдүк баалы ылбыт хамаандалар "ТОК" курэххэ кииристилэр. Түмүккэ: 1 миэстэни олохтоох администрация хамаандата, 2 миэстэни Тыа хаһаайыстыбата, 3 миэстэни оскуола хамаандалара ылан сертификаттарынан, ѳйдѳбүнньүк статуэткаларынан, харчынан наҕараадаланнылар. Түѳлбэлэринэн спортивнай эстафета ыытылынна, парадка түѳлбэлэр араас транспораннары тутан, байыаннай техникалар макеттарын оҥостон парады киэргэттилэр, дьон—сэргэ сэҥээриитин ыллылар. Кыайыы күнүгэр "ТОК" күрэх кэнниттэн, урукку сылларга уһуллубут ветераннарбыт тустарынан сэдэх видеозапистары кѳрѳн сэҥээрдилэр, ветераннарын ахтан санаан аастылар. Кинилэр ааттарын үйэтитэн Кыайыы болуоссатыгар чүмэчи уматтыбыт.
Ɵспѳх библиотекатыгар ыам ыйын 7 күнүгэр оскуола оҕолоругар Улуу Кыайыы күнүгэр аналлаах библиотечнай уруок буолла. Брейн-ринг оонньоотулар, сэрии туһунан документальнай киинэ кѳрдүлэр уонна сэрии туһунан кинигэлэри аахтылар. Ыам ыйын 9 күнүгэр Свеча памяти буолла. Сэттэ сэрииһит Румянцевтар памятниктарыгар уурулунна. Бырааттыы Румянцевтар тустарынан ахтыы аагылынна.
Ыам ыйын 7 күнүгэр, Мындааба оскуолатын библиотекарын Мария Николаевнаны кытта Кыайыы 74 сылыгар аналлаах "Ким да умнуллубат,туох да умнуллубат" сылын аайы ыытыллар Мындааба орто оскуолатын үлэһиттэригэр, учууталларыгар уонна 10-11 кылаас оҕолорун икки ардыларыгар брейн - ринг күрэҕин тэрийдилэр.
Күрэхтэһии уопсайа 5 түһүмэхтээх, ол курдук:
1 визитка
2 блиц вопросы
3 угадай мелодию сэрии саҕанааҕы ырыаларынан
4 видео вопросы
5 конкурс капитанов
Тыҥааһыннаах киирсии кэннэ, күрэх түмүгүнэн 1 миэстэни "Четвертый ряд" хамаанда кыайары ситистэ. 2 миэстэни "Сулус" хамаандата уонна 3 бочуоттаах миэстэни "Катюша" хамаандата буоллулар.
Ɵнѳр библиотекатын сэб. С.С. Черноградская кулууп үлэһиттэрин кытта экипаж милосердия сырыттылар, саҥа кинигэлэри билиһиннэрдэ, музыкальнай номердары бэлэхтээтилэр.
Ыам ыйын 8 күнүгэр Хоноҕордооҕу Түһүлгэ СК Улуу Кыайыы 74 сылын көрсө "Албан аат Аҕа көлүөнэҕэ" диэн кыайыыны уһансыбыт хос эһээлэрин, эбээлэрин, аймахтарын олохторун сырдатар дакылаат күрэҕин ыыттыбыт. Барыта 13 оҕо кытынна, бииртэн биир интириэһинэй дакылааты иһиттилэр, медиапрезентациялаах, хаартыскалардаах, сороҕо архыып докумуоннардаах үлэлэр киирдилэр. Кыайыылаахтары быһааран, анал ааттары туттардылар.
Маягас библиотекатын сэб. К.Н. Кириллина Кыайыы 74 сылынан музейнай уруок, кырдьаҕастар ветераннара Курилкин Д.Д. "Нэһилиэктэн барбыт сэрии ветераннара", "Дети герои" беседа оҥордо.
Хомустаах библиотекатын сэб. Егорова М.Н. Ыам ыйын 8 күнүгэр "Хомусчаан" оҕо уһуйаанын бэлэмнэнии бөлөҕүн иитиллээччилэригэр Улуу Кыайыы 74 сылынан "Өйдүүбүт! Сүгүрүйэбит! Киэн туттабыт!" викторина ыытта. Улуус Геройдарыгар анаммыт ыйытыктарга эппиэттээтилэр. Кыайыылааҕынан таҕыста - Павел Лугинов.
Кыайыы 74 сылын көрсө ыытыллыбыт Парад кэнниттэн улуустааҕы акцияҕа кыттыһан Иван Мигалкин "Күүтүүлээх кыайыыны уһансан" хоһоонун күргүөмүнэн аахтылар. Киэһээ тыыл, үлэ ветераннарыгар ыытыллыбыт сынньалаҥ киэһээҕэ викторина ыытта. Кыайыылаах - Попова Марфа Петровна.
Н.С. Пестряков аатынан Уус-Күѳлүн библиотекатыгар "Өйдүүбүт. Сүгүрүйэбит. Махтанабыт" акцияҕа Курбуһах оскуолатын үөрэнээччилэрэ эһээлэрин, аймахтарын туһунан кэпсииллэр. Экипаж милосердия сырыттылар. И.Мигалкин хоһоонун ааҕан, бэлэхтэри туттардылар.
Ити курдук, улуус библиотекардара Улуу Кыайыы үѳрүүлээх тэрээһинин айымньылаах үлэнэн бэлиэтииллэр.
