Сааскы уһун сынньалаҥҥа оҕо библиотеката ааҕааччыларыгар араас интириэһинэй, көрдөөх тэрээһиннэри ыытта.

        Сынньалаҥ күннэригэр литературнай викторина “По страницам любимых книг” боппуруостарыгар эппиэттээтилэр, “Мой любимый мультфильм”, “Почемучкин четверг”, “самая, самая, самая...” боппуруостарга эппиэттээн, кыттыбыт оҕолор бэлэхтэринэн наҕараадаланнылар. Түмүктүүр тэрээһин, кыайыылаахтары, кыттыбыт оҕолору чиэстээһин оҕо библиотекатын ааҕар саалатыгар буолла. Бэлэх ылан үөрэн-көтөн, дуоһуйан тарҕастылар.

Ɵспѳх библиотекатыгар сынньалан кэмигэр оҕолорго каникулярнай библиотечнай уруоктар буоллулар. Начальнай кылаас оҕолоругар “Библиотечная планета” темалаах библиотека кинигэлэрин туруоруутунан уруок ыытылынна. Викторинаҕа, оонньууларга кытыннылар. Улахан кылаас оҕолоругар бу күннэргэ юбилейнай даталаах геройдарга аналлаах уруок уонна оҕо суруйааччыларыгар викторина ыытылынна.

Баатаҕай библиотекатыгар сааскы сынньалаҥҥа, эбээҕэ, эһээҕэ кэлбиттэр, олохтоох оскуола үѳрэнээччилэрэ иллэҥ кэмнэрин библиотекаҕа атаардылар. Сахалыы, нууччалыы мүнүүтэҕэ аахтылар, остуол оонньууларын оонньоотулар, театр сылынан-викторинаҕа хоруйдаатылар, бэриллибит сорудахха импровизациялаан холонон кѳрдүлэр, слайм оҥорууга мастер кылааска сырыттылар. Саҥа кинигэлэр быыстапкатын оҕолор сэргээн көрдүлэр-иһиттилэр.

            Майаҕас библиотекатыгар аһаҕас аан күнэ ыытылынна, “Путешествие по книжной Вселенной”, юбилейдаах суруйааччылары, саҥа кинигэлэри билиһиннэрии. “Чуораанчык” оҕо уһуйааныгар “Ааҕыахха-толкуйдуохха, таайыахха”-араас куонкурустар, “ТОК” оонньуу ыытылынна. Театр күнүгэр оҕолорго беседа буолла. Остуоруйа устун айан-“Верьте в чудо!”-Г.Х. Андерсен остуоруйаларын ырытыы. Нэдиэлэ түмүгэр интеллектуальнай оонньуу. Муус устар 2 күнүгэр  «Аан дойдутааҕы оҕо кинигэтин күнүн” бэлиэтээн “Чуораанчык” оҕо уһуйаанын иитиллээччилэрэ саҥа тахсыбыт кинигэлэри кытары билистилэр, викторина боппуруостарыгар хоруйдаатылар.

 Кырачаан ааҕааччылар сааскы сынньалаҥнарын туһалаахтык атаардылар.

            Библиотека ыытар тэрээһиннэригэр көхтөөхтүк кыттыбыт оҕолорго,төрөппүттэргэ, иитээччилэргэ махтанабыт. Оҕолорун кытта тэҥҥэ кинигэ ааҕан, оҕолору ааҕыыга көҕүлүүр, кыһаллар төрөппүттэр элбээн иһэллэрэ биһигини үөрдэр.

       Ааҕыы уонна кинигэ билиҥҥи сайдыылаах олохпутугар сиэр-майгы, ыччаппыт киһи быһыытынан тахсыылаах буоларыгар,олоҕу таба өйдүүрүгэр иитиэхтээхпит.