Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Тумул олохтоох бибилэтиэкэтигэр дьыктаан суруйдулар, "Сахам тыла барахсан" хоһоону күргүөмүнэн аахтылар.

Өлтөх нэһилиэгин тэрилтэлэрэ СР норуодунай поэта И.В Мигалкин "Сахам тыла барахсан" хоһоонун күргүөмүнүнэн аахтылар. Сахалыы дьыктаан ыытылынна "Тыл -уот" Софрон Данилов. Дьыктааны суруйтарда саха тылын учуутала Колосова А.Б. Бастыҥнары бэлиэтээн, кыттыбыттарга туоһу сурук туттарыллынна.

Баатаҕай бибилэтиэкэтэ сурук – бичик күнүн чэрчитинэн «Сахалыы диктант» акцияны тэрийэн ыыттылар. Барыта 27 киһи кыттыыны ылла. Дьыктааны суруттарда оскуола бибилэтиэкэрэ Дмитриева С.С. Күн иккис аҥаарыгар Алампа «Сахам саҥата» хоһоонун күргүөмүнэн аахтылар. Хоһоон кэннэ төрөөбүт тылга, литератураҕа сыһыаннаах хамаанданан ТОК оонньуу ыытылынна.

Уус Алдан техникумун үөрэнээччилэригэр уонна нэһилиэнньэҕэ Амма Аччыгыйа “Сааскы кэм” романыттан (суруллубута 75 сылынан) дьыктаан суруйдулар, төрөөбүт тыл күнүн суолтатын, ис хоһоонун, С.А. Новгородов туһунан кэпсэтэн, түмүккэ Иван Мигалкин “Киэҥ тутун, саха буоларгынан” хоһоонун күргүөмүнэн аахтылар.

Өспөх нэһилиэгэр дьыктааны саха тылын уонна литературатын учуутала Горохова Парасковья Никифоровна ааҕан суруттарда. Ол кэннэ ТОК оонньуу оонньоотулар. И Мигалкин «Сахам тыла барахсан» хоһоонун күргүөмүнэн аахтылар.

Маягас олохтоох бибилэтиэкэтигэр сурук-бичик күнүнэн "Чуораанчык" оҕо уһуйаанын иитээччилэригэр күргүөмүнэн хоһоон ааҕыыта уонна "ТОК" интеллектуальнай оонньуу ыытта.