Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 

Саха тылын инники кэскилэ билиҥҥи кэмҥэ үүнэр көлүөнэ төрөөбүт тылын хайдах баһылыырыттан тутулуктаах. Маннык кэрэ, баай төрөөбүт тылы үөрэтэн,  ону сатаан туттар, туһанар буолары ситиһиэххэ наада.

Уус Алданнааҕы кииннэммит бибилэтиэкэ тиһигэ төрөөбүт тыл уонна сурук-бичик күнүн чэрчитинэн сахалыы таба суруйар үөрүйэҕи олохсутарга, иҥэрэргэ анаан “Сахалыы диктант” диэн акцияны ыытабыт. Төһө үчүгэйдик сахалыы суруйаргын бэрэбиэркэлэниэххин баҕарар буоллаххына, 2019 сыл, олунньу ый 12  күнүгэр киэһээ 17.00 чаастан ыҥырабыт.  Кэлиҥ, кыттыҥ, бэйэҕит төрөөбүт сахаҕыт тылынан төһө сөпкө суруйаргытын бэрэбиэркэлэниҥ!

Акция сыалынан-соругунан буолар:

- Тылы таба суруйуу, сурук бэлиэтин сөпкө туруоруу үөрүйэхтэрэ олохсуйалларын ситиһии;

- Сахалыы тыл-өс культурата үрдүүрүгэр дьон-сэргэ болҕомтотун тардыы;

- Төрөөбүт тылга харыстабыллаахтык сыһыаннаһыы;

- Ийэ тылбыт үүнэн-сайдан иһэригэр күүс-көмө буолуу.

Сахалыы диктаны суруйуу киин библиотекаҕа, Сыккыс, Мындаба, офиснай киин, улуус дьаһалтатыгар ыытыллар.

Хас биирдии кыттааччы уруучукалаах кэлэргитин умнумаҥ.