Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 
Бу сонун тэрээһини олохтоох модельнай библиотека көҕүлээн, тэрийэн ыытта (А.С. Готовцева ). Тэрээһин ыытыллыытыгар көмөлөстүлэр сынньалаҥ киин уус-уран салайааччыта А.С.Гаврильева, бэтэрээн Сэбиэтин предс. С. Е.Петрова, оскуола библиотекара В.П. Васильева. Ыҥырыылаах ыалдьыттарынан буоллулар Ф.Д.Петров - автор, мелодист,
А.И.Никифорова - 86-с хаарыгар үктэммит пед. үлэ бэтэрээнэ, М.А.Фёдорова - зоотехник идэлээх, үлэ ветерана, хоһоон суруйуунан утумнаахтык дьарыктанар, Р.М.Исакова ветеран иитээччи, оҕолорго анаммыт ырыалардаах.
Бастаан  А. Готовцева бу тэрээһин сыалын-соругун билиһиннэрдэ, "Найахылар айаллар" быыстапканы арыйда, кэлбит ыалдьыттары билиһиннэрдэ.
 
Салгыы С.Петрова - "Мүрү саһарҕата" улуус хаһыатын общ. корреспондена бу хаһыакка таһаарбыт ыстатыйаларын көрдөрдө, РФ журналистарын сойууһун чилиэнэ Г. Н. Борисова-Толбооно, саҥа биллэн көстөн эрэр Татьяна Ильина - Татыйык айар үлэлэрин  сырдатта. Ф. Петров айар үлэ туһунан бэйэтин санааларын үллэһиннэ. Тэрээһин кыттыылаахтара, оскуола үөрэнээччилэрэ, детсад кырачаан иитиллээччилэрэ А. Никифорова, М. Федорова, Р. Исакова хоһооннорун аахтылар, ырыаларын ыллаатылар. Олохтоох библиотека иһинэн А. Никифорова "Уһун олоҕум ыллыгынан", М. Федорова "Күһүҥҥү сэбирдэх сипсиэрэ" хоһооннор хомуурунньуктара бэчээттэнэн тахсыбыттарын Айталина Семеновна кэпсээтэ, билиһиннэрдэ. Олохтоох библиотека, бэтэрээн сэбиэтин ааттарыттан махтал суруктар, сэмэй бэлэхтэр туттарылыннылар. Тэрээһини Анисия Гаврильева бэрт сэргэхтик иилээн-саҕалаан ыытта.
"Айар кутум ыллыгынан" поэзия киэһэтэ бэйэтин соругун ситистэ - нэһилиэккэ "Хомуһун" диэн айар куттаахтар түмсүүлэрэ тэрилиннэ.