Переключить для слабовидящих

Найахы нэһилиэгэр кинигэ сүрэхтэниитэ

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 
Опубликовано: 17.12.2018

Найахыга дьоро киэһээлэр. Ахсынньы 7 күнүгэр төрөөбүт төрүт сирбитигэр Найахы хор тэриллибитэ 55 сыллаах үбүлүөйүн бэлиэтээтилэр, хорга иккис тыыны уган сайыннарбыт бэртээхэй хормейстербыт САССР култууратын үтүөлээх үлэһитэ Гоголева Светлана Сергеевнага уонна олоҕун килиэккэлээх кыыл иитиитин сайдыытыгар анаабыт "Бочуот Знага" уордьан кавалера, САССР тыатын хаһаайыстыбатын үтүөлээх үлэһитэ Сивцев Иван Петрович сырдык кэриэстэригэр анаммыт кинигэлэр сурэхтэниилэрэ буолуталаатылар.

Үбүлүөйүнэй тэрээһиннэр үрдүк таһымнаахтык ыытылыннылар. Кинигэлэр сүрэхтэниилэрин Найахытаагы модельнай библиотека иһинэн улэлиир А.М. Степанов аатынан краеведческай кииҥҥэ нэһилиэк остуоруйатын уонна хор сайдыытын көрдөрөр салааларынан экскурсиялатан, быыстапкаларын көрдөрөн, кинигэлэр ис хоһооннорун ырытан мустубут дьон махталын ыллылар (сал. Готовцева П.С.). Бииргэ үлэлээбиттэр, аймахтар кинилэр киһи быһыытынан үтүө майгыларыгар, талааннарыгар сүгүрүйээччилэр истиҥ ахтыылары оҥордулар, кинигэни таһаарбыт оҕолоругар, бииргэ үлэлээбит кэллиэгэлэригэр, салайааччыларыгар махталларын тириэртилэр. Тэрээһиннэргэ кыттыбыт Тыа хаһаайыстыбатын Министиэристибэтин улэһиттэрэ, килиэккэлээх кыылы иитиини салайар киин бэрэстэбиитэллэрэ, Горнай, Кэбээйи, Хаҥалас, Булуҥ улуустарыттан сылдьааччылар нэһилиэкпит туһунан бэйэлэрин тус санааларын эппиттэрин нэһилиэк дьонугар-сэргэтигэр үөрэн туран тириэрдэбин. Нэһилиэккэ биир күннээх сылдьыы, дьону кытта кэпсэтии, үлэ араас эбийиэктэринэн көрсүһүүлэр түмүктэринэн биир санааҕа кэлэннэр нэһилиэк дьонугар-сэргэтигэр былыр былыргыттан удьуор үлэһит дьон-аймах үөскээн көлүөнэттэн көлүөнэҕэ, ыччаттарыгар үлэҕэ үөрүйэхтэрэ бэриллэн Светлана Гоголева, Иван Сивцев курдук үлэһит дьон иитиллэн тахсыбыттарын, нэһилиэк дьонун култууратын таһыма үрдүгүн, эдэр ыччат, оскуола оҕотуттан саҕалаан көлүөнэлэр быстыбат ситимнэрэ олохтоммутун, патриотическай өй-санаа күүстээҕин бэлиэтээтилэр.

 

Просмотров: 143

Контактная информация

Контактная информация

 Адрес: 678350, Республика Саха (Якутия),

Усть-Алданский улус, с.Борогонцы

ул. В.В.Румянцева 12.

Конт.тел: 8-411-61-41-231

Факс: 8-411-61-41-342

E-mail: uacbsbor@mail.ru

техподдержка:

uacbsborsupp@gmail.com

Яндекс.Метрика

 

Наши партнеры

h400     Flag of Ust-Aldansky rayon      uakultur
 
neb